Li navçeya Pirsûsê 41 kargehên aydê galerîvanan bi hinceta “qaçax in” ji aliyê qeyûm ve hatin hilweşandin. 4 galerîvanên bertek nîşanî biryarê dan hatin binçavkirin.
BES’ê diyar kir ku di heyamek ku Destûra Bingehîn xitimî ye de demokrasiyek ku tê nîşandan heye û ji qesrê edalet dernakeve.
Hevşaredarê Wanê Mustafa Avci yê qeyûm tayînî şûna wî hatiye kirin diyar kir ku qeyûm ketiye nava metirsiya hilbijartnê û mal û milkê şaredariyê dixwaze gavek berî gavekî bifiroşe.
Bi hinceta jinên siyasetmedar ên li Girtîgeha Jinan a Sîncanê tên ragirtin di qawişa xwe de ava lîmonê çêkirine derbarê wan de doz hatibû vekirin. Danişîna ewil a dozê ji ber bi SEGBÎS’ê têkilî nehate danîn, hate taloqkirin.
Rêxistinên HDP û Partiya Çepên Kesk ên Stenbolê destnîşan kirin ku mafê perwerdehiya bi zimanê zikmakî mafekî bingehîn e û divê rê li ber astengiyên ku zarok bi kêfxweşî perwerdehiya zimanê zikmakî werbigirin bê vekirin.
Rejîma Îranê ciwanê kurd ê bi navê Parsa Qabadî ku tev li çalakiyên “Jin jiyan azadî” bibû girt.
Ji ber Mûhammed Kartal ê li Girtîgeha Tîpa Y a Antalyayê tê ragirtin, ji ber îtîrazî têla li ber paceya qawişê kiriye, cezayê hucreyê lê hatiye birîn.
Parêzer û siyasetmedaran bertek nîşanî dersînorkirina Menaf Osman ê piştî 30 salan hat berdan dan û destnîşan kirin ku qanûnên heyî tune tên hesibandin.
Prz. Kenan Maçoglû diyar kir ku Doza Kobanê di salên dawî de weke malzemeyê hilbijartinê tê bikaranîn û wiha got: “Hilbijartinên herêmî hene. Beriya hilbijartina herêmî dîsa dê ev dosya bê axaftin û dê hewl bidin partiyên siyasî mehkûm bikin.”
Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re serî li Serdozgeriya Komarê ya Bursayê û Midûriyeta Girtîgeha Îmraliyê dan.
Şanogerê ji Îranê Alî Pouransarî yê li GGM’a Tûzlayê hatiye ragirtin, tê xwestin ku bê dersînorkirin û radestî Îranê bê kirin.
Girtiyê siyasî Semîh Altûn ê li Girtîgeha Tîpa T a Erzîncanê di hucreyê de tê ragirtin, diyar kir ku ji ber dû û bêhna ji kargeha plastîkê ya li kêleka girtîgehê tê nikarin bêhnê bistînin.
Rojnamevan Azîz Koyluoglû diyar kir ku PDK li Kerkûkê di nava “şerê pevşêwirî" de cih digire û got: “Heke alozî bidomin wê hilbijartin pêk neyê û ev jî wê kêrî PDK’ê were. Çimkî kêm rayên PDK’ê hene.”
Ombudsmanê çapemeniyê Farûk Bîldîrîcî bal kişand ser ambargoya çapemeniya navendî ya li ser têkoşîna edaletê ya malbata Şenyaşar û got: "Heya em zêde bi ser vê de neçin, em ê her parçeyeke vê bêedaletiyê bin."
Hevserokê Şaxa ÎHD'a Rihayê Îsmaîl Tûtal ê birayê girtî Nûrûllah Tûtal ê înfaza wî hat taloqkirin, anî ziman ku Lijneyên Îdare û Çavdêriyê li dijî hiqûqê ne û divê bên betalkirin.