Hevberdevka Komîsyona Hiqûqê ya DEM Partiyê Sevda Çelîk Ozbîngolê diyar kir ku desteserkirina îradeyê ne qanûnî, siyasî ye û got: "Me wekî DEM Partiyê bi hinceta ku ev pêkanîn wekî tayinkirina qeyûman a li hemû hilbijartiyan e, me doz vekir."
Metîn Serhat, girtiyê li Girtîgeha Ewlehiya Bilind a Hêjmar 1 a Sûlûcayê ku bi binpêkirina mafan di rojevê de ye, diyar kir ku bi pêkanînên 12'ê Îlonê re rû bi rû ne.
Rojnameger Ragîp Dûran anî ziman ku divê di çareseriya pirsgirêka kurd de alî di nava şert û mercên wekhev de bin û got: "Tirkiye di warê muzakere û bazariyê de ne xwedî ezmûn e. Tenê ezmûnek wê heye; dibêje 'Ya teslîm bibin an em ê bişewitînin û hilweşînin.'"
Girtiyê nexweş Abdûrrahman Gemîcîoglû yê 21 roj in li nexweşxaneyê tê dermankirin, cezayê wî 6 mehan hat taloqkirin û hat berdan.
Serokên baroyên bajarên bakurê Kurdistanê hatin Mêrdînê û bertek nîşanî tayînkirina qeyûman dan. Serokên baroyan gotin ku qeyûm rewa nînin û xwestin paşve bên kişandin.
Bi hinceta ku beşdarî “Meşa Azadiyê ya Mezin” bûne derheqê 29 kesan de doz hatibû vekirin. Danişîna ewil a dozê hate lidarxistin û danişîn hate taloqkirin.
Hevseroka Giştî ya DEM Partiyê Tulay Hatîmogûllari piştî hevdîtina bi Partiya Pêşerojê re daxuyanî da û wiha bang li hemû derdoran kir: “Werin ji bo aştiyeke birûmet em berpirsyartiyê li xwe bigirin.”
Hevseroka Giştî ya DBP’ê Çîgdem Kiliçgun Uçar ji bo mitînga 17’ê mijdarê ya li Êlihê bang kir û wiha got: “Li dijî rejîma tecrîd, ji bo parastina azadiyê em dakevin qadê.”
Piştî Şaredariyên Bajarên Mezin ên Enqere û Stenbolê, niha jî bi hinceta “konserê” derheqê Şaredariya Beykozê ya CHP’î de lêpirsîn hate destpêkirin.
Cîgirê Hevserokê Giştî yê DEM Partiyê yê ji Rêveberiyên Herêmî Berpirsyar Mehmet Ruştu Tîryakî diyar kir ku bi ser tayînkirina qeyûm re 11 roj derbas bûne lê hêj jî biryara têkildarî dûrxistina hevşaredaran a ji peywirê nehatiye teblîxkirin.
Berxwedana li Xelfetiyê li dijî qeyûm hatiye destpêkirin di roja 11’emîn de berdewam dike.
Mehmet Durak Karak 29 sal in girtî ye û li Girtîgeha bi Ewlekariya Bilind a Erzînganê tê ragirtin. Bi hinceta “cezayên hucreyê”, tehliyeya Karak 6 salan hate taloqkirin.
DAD’ê di salvegera bidarvekirina Seyîd Riza û hevalên wî de daxuyanî da û xwest cihên gorên wan bên eşkerekirin û bi komkujiyê re hevrûbûnek çêbibe.
Serokê Baroya Mûşê Kadîr Karaçelîk li Êlihê bertek nîşanî tayînkirina qeyûm da û wiha got: “Tu bingeheke hiqûqî ya tayînkirina qeyûman û rewatiyeke wê nîne. Tavilê dev ji vê sepana derhiqûqî berdin.”