Dayikên Şemiyê ku bi daxwaza li aqûbeta windayan bipirsin û faîl bên darizandin xwestin di hefteya 969’emîn de biçin Qada Galatasarayê lê dîsa wek her hefte hatin binçavkirin.
HEDEP’ê têkildarî revandina endamê xwe yê ciwan daxuyanî da. Parêzer Îbrahîm Kaya got ji bo ku miwekîlê wî kurd e hatiye revandin û îşkencekirin û dê bûyerê bişopînin.
Endamê Meclisa Ciwanan a HEDEP’ê Mazlum Kaya diyar kir ku kesên xwe wek polîsan dane nasîn wî revandine û gefa ku wê wî teslîmî DAIŞ’ê bikin lê xwarin e.
Li navçeyên cuda yên Manîsayê 350 karkerên li fabrîkayan dixebitin ji xwarinê jehrî bûn û çûn nexweşxaneyan. Tedawiya 29 karkeran li nexweşxaneyê dewam dike.
Dadgeha Îstînafê biryara beraeta ku ji bo polîsê faîlê kuştina Recep Hantaş hatibû dayîn, xera kir. Parêzerê malbatê Mehmet Oner diyar kir ku bi biryarê wek ku di dosyeya Kemal Kurkut de hatibû kirin, ji dadgeha herêmî re dibêjin, “Tu bêje ku bersûc lêdaye lê li rêyên necezakirinê bigere.”
Cezayekî din ê "dîsiplînê" li Rêberê PKK'ê Abdullah Ocalan hat birîn ku ev ceza hevdîtina bi malbatê re asteng dikin. Daxwaza parêzeran a ji bo mînaka dosyeyê, ji aliyê dadgeriyê ve bi hinceta "dê di çapemeniyê de belav bibe" hat redkirin.
Ji ber serdana goristanê du sal berê der barê Hevşaredara Silopiyayê Adalet Fîdan de lêpirsîn hatibû destpêkirin. Piştî demekê der barê lêpirsînê de biryara neşopandinê hatibû dayîn. Lê bi heman hincetê careke din lêpirsîn hat destpêkirin.
Li Stenbolê Karakiz Baymaz a 84 salî, ji bo dermankirinê çû nexweşxaneyê, lê ji ber ku wergêrê kurdî tune bû nehat muayenekirin.
Dayikên Aştiyê Sûltan Azboy û Nafiye Tagû ku kesên li hember êrişên Îsraîlê radibin, lê li hember êrişên Tirkiyeyê xwe li bêdengiyê datînin rexne kirin, gotin: "Zilm li her derî zilm e."
Hevseroka PYD'ê ya Girkê Legê Eyhan Mûrad, diyar kir ku armanca êrîşên dewleta tirk a li dijî Rojava û Bakur û Rojhilatê Sûriyeyê bêîradekirina Rêveberiya Xweser e û got: "Em bêav, bêceyran û bênan jî bimînin em ê li ber xwe bidin û axa xwe terik nekin."
Di erdhejên navenda wan Mereş bû de ji sedî 80 gundê Musolar ê navçeya Bazarcixê jî hilweşiya bû. Mexdurên erdhejê ku li gund em bi wan re axivîn bi lêv kirin ku tevî 8 meh bi ser erdhejê re derbas bû ne jî rewşa çekirina xaniyên wan nediyar e û ew dê vê zivistanê jî bêxanî derbas bikin.
AFAD’ê ragihand ku li navçeya Tûşbayê bi pileya 4’ê li erdhejek pêk hatiye.
Li Eskîşehîrê di dawetekê de bi îdiaya "propagandaya rêxistinê" kirine 23 kes hatin binçavkirin.
Nîzam Karaagar piştî 30 sal û 6 mehan ji Girtîgeha Amedê derket.