Serokê Weqfa Aştiyê Hakan Tahmaz, bal kişand ku şerê di navbera Filistîn û Îsraîlê de Şerê Cîhanê yê 3’yemîn e û wiha got: “Di cîhanê de pergaleke nû tê avakirin. Ji bo aştiyeke mayîn de divê li cîhanê bayekî xurt pêk were.”
Parêzer Yusuf Ozperçîn ê ku ji ber xemsariya dewletê ya di erdhejê de di 17’ê nîsanê de ji bo ku karesat bibe dozeke komkujiya komî serî li Serdozgeriya Komarê ya Semsûrê da, diyar kir ku tevî 6 meh derbasbûnê jî hê îdianame nehatiye amadekirin û li dijî vê yekê dê serî li Dadgeha Destûra Bingehîn bidin.
Hevserokê Şaxa ÎHD'ê ya Şirnexê Haşîm Togurlu yê diyar kir ku dewlet li herêmê hêza xwe weke amûra zextê bi kar tîne, anî ziman ku bi polîtîkayên ewlekariyê binpêkirina mafan derketiye asta herî jor û got: “Em niha bi dewleteke ku em jê re dibêjin dewleta AKP'ê re rû bi rû ne. Ev jî nîşan dide ku dewletê fonksiyona xwe ya dewleteke demokratîk winda kiriye.”
Yek ji îmzekarên deklarasyona “Banga Aştiyê” Erol Katircioglû diyar kir ku divê hemû beşên ku ji kurdan re dibêjin “xwişk û birayên min” li ser pirsgirêka kurd bisekinin û destnîşan kir ku divê ji bo çareseriya pirsgirêkan fikra Rêberê PKK’ê Abdullah Ocalan bê guhdarîkirin.
Hevserokê KCD’ê Berdan Ozturk, destnîşan kir ku di çareseriya pirsgirêka kurd de yekane muxatab Rêberê PKK’ê Abdullah Ocalan e û wiha got: “Ji bo ku birêz Ocalan rol û mîsyona xwe bilîze divê azad bibe.”
Hejmara 202’yan a Rojnameya Xwebûnê bi manşeta “Çareseriya ji bo şerê Îsraîl û Filistînê: Konfederalîzma Demokratîk” derket.
Îfade wergirtina rêveberên HDP’ê ya li miduriyeta polîsan temam bû. Hate zanîn ku fealiyetên HDP’iyan ên di çarçoveya xebatên partiyê de hatine pirsîn.
Şîna endamê YPG’ê Hamdûllah Toprak li navçeya Xana Axpar a Amedê bi girseyî hat ziyaretkirin.
Di roja duyemîn a Sempozyûma Bajêr a 1’emîn de pirsigirêkên bajêr û çareseriyên têkildarî vê yekê hatin nîqaşkirin û hate destnîşankirin ku jinûveavakirin bi polîtîkayên ekolojîk pêkan e.
Endamê Meclisa HEDEP’ê Naîf Bûlga û endamê Meclisa Ciwanan ê HEDEP’ê Mazlûm Kaya yên duh li Mêrsînê hatibûn binçavkirin, hatin girtin.
Li navçeya Serêkaniyê ya Rihayê wesayîteke bizirx wergeriya û 3 leşker birîndar bûn.
Tehliyeya Sînan Sutpak ku 30 sal û 6 meh in di girtîgehê de ye cara sêyemîn bi hinceta “nebû îtîrafkar” hate astengkirin.
“Mamosteyê” çapemeniya kurd Kadrî Kaya di 5’êmîn salvegera wefata xwe de li ser gora xwe hate bibîranîn.
Parlamenterê HEDEP’ê Omer Ocalan bal kişand ser daxwaza îktîdara AKP-MHP’ê ya navbeynkariya şerê Îsraîl-Filistînê û wiha got: “Kesên bûne sedema mirina bi hezaran kesan nikarin di şerekî din de bibin navbeynkar.”