Baro, OHD û TUHAY-DER ên Wanê bal kişandin ser binpêkirinên mafan ên li girtîgehên Wan, Panos û Xelatê û hat gotin girtiyên nexweş nayên tedawîkirin, nameyên kurdî nadin girtiyan û rêveberiya girtîgehan bi pirsên wek “gelo tu derkevî tu yê bizewicî?” berdana girtiyan asteng dikin.
Li navçeya Sîlopiyayê 5 kes hatin binçavkirin.
Rêveberiya Xweser a Bakur û Rojhilatê Sûriyeyê hişyar kir ku Kobanê hêj bi êrişên tunekirinê re rû bi rû ye û xwest ku ruhê piştevaniyê yê li dijî DAIŞ’ê derket holê bidome.
Birayê penaber Îsam Haciramadan ê ji 14’ê cotmehê ve li Qoserê agahî jê nayên wergirtin, da zanîn ku kekê wî xistine girtîgeheke li Girê Spî ya di bin dagirkirina dewleta tirk û komên girêdayî wê de. Penaberê ji Bakur û Rojhilatê Sûriyeyê Îsam Haciramadan di encama serdegirtinên malan ên di 14’ê cotmehê de li navçeya Qoser a Mêrdînê hatibû binçavkirin û ji 14’ê cotmehê ve tu agahî jê nedihatin girtin. Birayê penaber Îsam Haciramadan ê ji 14’ê cotmehê ve li Qoserê agahî jê nayên wergirtin, Suleyman Haciramadan da zanîn ku kekê wî xistine girtîgeheke li Girê Spî ya di bin dagirkirina dewleta tirk û komên girêdayî wê de.
Di encama êrişa dewleta tirk a li dijî Bakur û Rojhilatê Sûriyeyê de yek jê zarok bi giştî 2 kes birîndar bûn.
Aqûbeta rojnamevan û edîtorê beşa erebî yê ROJNEWS'ê Silêman Ehmed ku ji aliyê PDK’ê ve hatiye revandin, 8 roj in nayê zanîn.
Karsaz Osman Kavala ku 6 sal in di girtîgehê de ye peyamek şand û wiha got: “Hêj hêviya min heye ku dê rojekê li welatê min hiqûq serwer bibe.”
DBP xwe ji bo konferansa mezin a di 5’ê mijdarê de li Amedê li dar bixe amade dike. Endamê MYK’a partiyê Farûk Tatli destnîşan kir ku yek ji rojeva bingehîn a konferansê tecrîda li Îmraliyê ye.
Ji sala 2019’an ku êrişên li ser Bakur û Rojhilatê Sûriyeyê zêde bûn heta niha her sal 2’yê Mijdarê weke “Roja Rojava ya Cîhanê” tê pîrozkirin. Roja kesên ku digotin “jiyaneke nû pêkan e” dê îsal jî di bin siya êrişan de were pîrozkirin.
Pisporê Rojhilata Navînê Bereket Kar anî ziman ku dê şerê di navbera Îsraîl-Hamasê de li herêmê bibe cihê geşedanên nû û cuda.
Teklîfa bûdçeyê ya Wezareta Xizîne û Darayî ku 4 trîlyon û 5 milyar lîre ye, ji hêla komîsyonê ve hate qebûlkirin.
Erdnîgariya Botanê ya bêhempa, ji aliyekî ve bi çêkirina bendavan û qirkirina daristanan û ji aliyê din ve jî bi destê şîrketên madenan de tê talankirin. Hevberdevkê Tevgera Ekolojiyê ya Şirnexê Adnan Şenbayram got: "Erdnîgarî ji mirovan tê xalîkirin û bi vê re armanc bêbîrkirina mirovan e."
Ji îmzevanên deklarasyona "Banga Aştiyê" Prof. Dr. Fatma Gok diyar kir ku rêya demokratîkbûyîna welêt bi çareserkirina meseleya kurd pêkan e û got: "Ez wisa difikirim ku Abdullah Ocalan dê tevkariyeke pir mezin li aştiyê bike."
Salman Yildiz ku ji sedî 68 astengdar e û nexweşîna epîlepsiyê pê re heye, li Girtîgeha Tîpa M a Mûglayê xistin hucreya yekkesî.
