Bi hezaran ciwanên di kongreya Meclisa Ciwanan a DEM Partiyê de hatin cem hev ku bi dirûşma “Vejînek Ciwan” hat lidarxistin, daxwaza azadiya fîzîkî ya Rêberê PKK’ê Abdullah Ocalan kirin.
Leşkerê teqawid Orkun Ozeller têkildarî operasyonên li dijî Zap, Avaşîn û Metînayê wiha got: “Hereketên Pençe-Kîlîtê, hem ji hêla taktîkî ve hem jî ji hêla stratejîk ve xelet in. Hulusî Akar ev yekîneye xistin wê herêmê, em niha jî êşa wê dikişînin.”
Wezîrê Parastinê Yaşar Guler piştî dijwarbûna pevçûnan çû ser sînor.
Piştî ku di pevçûnên li Xakûrkê, Metîna û Zapê gelek leşker hatin kuştin, dewleta tirk careke din bi balafirên şer êrişî binesaziya bajarên Bakur û Rojhilatê Sûriyeyê kir.
Girtî Necla Yildiz diyar kir ku kampanyaya “Ji Abdullah Ocalan re azadî” rê li ber kelecaneke mezin vekir û wiha got: “Bêyî ferq û cudahiya dem û cih divê piştevaniya şoreşgerî hebe. Sosyalîstbûn û parastina aştî û demokrasiyê vê yekê ferz dike.”
Ji rojnameger Silêman Ehmed ku ji hêla asayîşa PDK’ê ve hatiye binçavkirin, 61 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 28’an de didome.
Bi ser tayînkirina qeyûman re ku yek ji aliyên herî girîng ên "Plana Çokşikandinê" ya desthilata AKP-MHP'ê bû, 7 sal derbas bûn. Di 7 salên dawî de êrişa herî mezin li dijî jinan û saziyên çandê pêk hat û qeyûm bi guhertina navan xwestin bajarên bênasname ava bikin.
Xwendekarên ku li Îdirê li Wargeha Sureyya Sulun Hanim a Keçan dimînin, diyar kirin ku di avahiya li kêleka wargehê de fihûş tê kirin û kesên ku dikevin vir rastî tacîzê tên. Xwendekaran diyar kir ku bi mehan e vê rewşê protesto dikin lê heya niha tu tiştek nehatiye kirin.
Di hilbijartinên giştî yên parêzgehan de cara ewil e ku namzeteke êzdiyan dikeve meclisê. Rojnameger Îbrahîm Êzidî diyar kir ku li tevî hemû hîleyên PDK'ê jî di sindoqan de vîna êzidiyan xwe daye der û got: "Heke bi edaletî bihata kirin, pêkan bû ku herî kêm 3 namzetên êzidî biçûna meclisa parêzgehê. Lê PDK'ê hîle kir. Tevî vê jî Şengalê vîna xwe diyar kir."
Hat ragihandin ku artêşa tirk tesîsên binesaziyê yên li derdora Tirbespiyê û Dêrikê bomberdûman kiriye.
Wezareta Parastinê, daxuyand ku di pevçûnê de 6 leşkerên din jî jiyana xwe ji dest dane. Bi vê re hejmara leşkerên mirin bû 12.
Di Nobetên Edaletê yên li 5 bajaran didomin de daxwaza “Ji Abdullah Ocalan re azadî, ji pirsgirêka kurd re çareserî” berdewam kir. Çalakger û beşdarvanan ev peyam dan: “Heke têkoşîneke xurt were dayîn dê tecrîda sîstematîk a li ser Rêberê PKK’ê Abdullah Ocalan hatiye kûrkirin bi dawî bibe. Dem dema ji tecrîdê re bibin bersiv e.”
ÎHD’ê ji bo girtiyê 75 salî û ji sedî 97 astengdar Mehmet Bayram were berdan bang li raya giştî û saziyên rayedar kir.