AMED – Kêlên goran ên li Goristana Asrînê ya Yenîkoyê careke din bi kevirê sprelê xirab kirin. Peyvên wekî "Şehîd, şehadet û dîrok" hatin kolan.
Goristana Asrînê ya Yenîkoyê ya li navçeya Rezana Amedê ye, heta niha bi denan êrîş bû hedef. Cenazeyê şervan û gerîlayên HPG, YPS, YPS-JIN, YJA-STAR, YPG û YPJ'ê yên li goristanê ne, kêlên gorên wan dîsa hatin şikandin. Peyvên "Şehîd, şehadet û dîrokê" yên li ser goran hatine nivîsîn, bi spirelê hatin kolan û kêlên goran şikandin. Kesên êrîşkar navên kod jî li ser kêlan birin û hin kêl li cihê wan rakirin.
MALBAT BI HÊRS IN
Malbatên ku serê sibehê çûn goristanê rastî hovîtiyê hatin êrîş şermezar kirin. Malbatên li goristanê bûn, diyar kirin ku êrîş bi piştgiriya polîsan pêk tê û ev tişt gotiin: "Hûn ji hestiyên zarokên me çi dixwazin? Ew qas jî bê hurmetî nabe. Çi zerara van bedenên di binê axê de ji were heye."
Welatiyekî nexwest navê xwe bêje ev tişt anî ziman: "Serokomar li dijî leşkerên Îsraîlê yên ku zarokekî Fîlîstînê binçav kirin peyva 'Dewleta terorîst a Îsraîlê' bi kar tîne. Wê demê kesên li vir vê hovîtiyê dikin çi ne. Çima bêdeng e. Ev çawa durûtî ye. Heke hûn li dewleteke terorîst bigerin ev terorîstên herî mezinin."
BI DEHAN CAR ÊRÎŞÊ GORISTANÊ KIRIN
Rojên borî Serdozgerê Komarê yê Amedê, ferman da Şaredariya Bajarê Mezin a Amedê û xwest peyvên li ser goran biguherîne. Li ser vê Miduryeta Polîsan a Amedê ket tevgerê û 20 kêlên goran guhert. Di nava salekê de bi dehan car êrîşê goristanê kirin.