Di doza kuştina xwendekarê zanîngehê Kemal Kurkut ku di 21'ê Adara 2017'an de dema ji bo pîrozbahiya Newrozê hat Amedê û ji aliyê polîsan ve hat kuştin de, der barê polîsê bi navê Y.Ş. yê Kurkut kuştibû de biryara darizandina negirtî hatibû dayîn. Lê belê parêzera malbata Kurkut îtirazî vê biryarê kir. Parêzer Reyhan Yalçindag Kurkut di daxwaznameya îtirazê ya berpêşî Dadgeha Cezayê Giran a 7'emîn a Amedê kir de, ji bo girtina polîsê bi navê Y.Ş. 9 made rêz kirin. 

 

Di daxwaznameyê de hat destnîşankirin ku polîsê bersûc ê bi navê Y.Ş., bi awayekî qesdî bi çekê Kemal Kurkutê ji bi pîrozbahiya Newrozê hatiye Amedê kuştiye. Di daxwaznameyê de hat diyarkirin ku nayê zanîn ka der barê bersûcan de lêpirsîneke îdarî hatiye destpêkirin an na û wiha hat gotin: "Bersûc di danişînê de diyar kir ku pişt bûyerê tenê ew 3 mehan ji peywirê hatiye dûrxistin û niha ew li ser karê xwe ye. Ev bersûcê ku ji ber 'kuştina bi qesdî' tê darizandin, bêyî ku erka çekbikaranînê jê bê stendinê hîn jî peywira xwe ya polîstiyê didomîne û bi awayekî negirtî tê darizandin. Bi awayekî negirtî darizandina bersûcê ku bi daxwaza ji 20 salî heta muebetê tê darizandin bi awayekî neyînî bandorê li ser dosyeyê û delîlan dike. Her wiha dema mirov li dîmenan dinihêre di nav şahidan de welatiyên sivîl û esnafên li derdorê hene. Ji ber ku bersûc peywirdarê ewlekariyê ye ew rîska wî ya çewisandina li ser şahidan didome." Di daxwaznameyê de hat diyarkirin ku li gor madeya 100/2 a Qanûna Dadgeha Cezayî ji bo girtina bersûc gelek sedem hene û biryara navberê ya ku dadgehê der barê redkirina daxwaza girtina bersûc ku ji aliyê parêzeran û dozgerê danişînê hatibû xwestin jî hat bibîrxistin. Di daxwaznameyê de hat destnîşankirin ku ji bo girtina sersûc Y.Ş. gelek sedem hene, lê belê dadgehê girtina wî red kiriye û wiha hat gotin: "Em dixwazin biryara redkirina girtina bersûc ku Dadgeha Cezayê Giran a 7'emîn a Amedê di 14'. Kanûna 2017'an de bi awayekî derqanûnî da bê rakirin û biryara girtina bersûc bê dayîn." 

 

MA / Deniz Tekin