NAVENDA NÛÇEYAN - Qirîza siyasî, leşkerî û aborî û rewşa aloz a li Herêma Federal a Kurdistanê bû sedem ku gel biherike kolanan.
Têkçûna mezin a ku piştî referandûmê li Herêma Federal a Kurdistanê rû da, bû sedem ku gel biherike kolanan. Îro piştî saetên serê sibê gel li bajarên Herêma Federal a Kurdistanê Silêmanî, Ranya, Keladizê, Rewandûz û Kelarê daket kolanan û xwest hikumet îstîfa bike. Wekî din Serokwezîrê Herêmê Nêçirvan Barzanî nameyek ji parlamentoyê re şand û xwest ku dema hilbijartinê zelal bikin. Di nameyê de hat ragihandin ku hilbijartin ji bo çareserkirina pirsgirêkan alternatîfa herî baş e û hat gotin ku divê dema hilbijartinê 3 mehan derbas neke.