Yek ji şahidên komkujiya Elewiyan a taxa Yorukselim a di 19’ê Kanûna 1978’an li Mereşê pêk hat Velî Demîr ê 77 salî, komkujî weke ku duh hatibe jiyîn bi girî vegot. Demîr, diyar kir ku bi îftirayan gel tînin beramberî hev û bi awayekê plankirî bûyeran mezin dikin.  

 

'EV LÎSTÎK BÛ’

 

Demîr, anî ziman ku bûyer bi bombekirina Sînemaya Çîçek, dûre kuştina Bapîrê Elewî û du mamosteyan re dewam kir û wiha axivî: “Ji xwe bûyerên mezin di Şemiya 19’ê Kanûnê de dest pê kirin. Qet me nekarî em ji malê derbikevin. 3-4 cîranên me hatin kuştin. Hevalekê min ê esnaf hebû. Ji min re got ‘li taxa we tiştên cuda tên jiyîn. Zarokan jî bîne û were gel me.’ Min jî got ez têkilî kesekê nebûme, heya kes têkilî min bibe û ez neçûm gel wan. Em pir tirsiyan. Min ji zarokên xwe re digot ev listikeke kes qarişî me nabe.” 

 

ÊŞA MEREŞÊ DIDOME

 

Demîr, da zanîn ku dema bûyeran destpêkirin, kesekê guh neda banga Miftiyê Mereşê ya “Beşdarî bûyeran nebin” û wiha bilêv kil: “Miftî got ‘hûnê piştî bûyeran êşên mezin bikêşin.’ Tişta wî gotî jî derket. Mereşê êşek mezin kişand û hîna jî vê êşê dikişîne. Mirov hatin lîstikê. Cend nezanan bûyer dest pêkirin Bûyer bi gotina ‘Mizgeft ji dest diçin’ despêkirin. Lê bi tu awayî êrîş li dijî mizgeftan nehatin kirin. Ciwanên Elewî yên taxa me bir tu awayî bêrêzî nîşanî mizgeftan nedabûn.”

 

‘ELEWÎ JÎ SÛNNÎ JI SER SERAN Û ÇAVAN’

 

Demîr, dest nîşan kir ku ê ku hes ji Hz. Huseyîn neke, hez ji Hz, Muhammed jî nake û wiha bi dawî kir: “Aliyê dayîka min Sunnîne, yê bavê min jî Elewîne. Her du alî jî ser seran û çavan. Têkiliya cîrantiyê ya li taxê pir başe. Elewî jî Sunnî jî li hemberî hev pir bi rêzdar û keyfxweşin. Ez di rojiya mateme de rojiya Remezanê jî digirim. Gava ku cîranê min ê Sunnî nefsa xwe bi birçîbûnê terbiye dike, ez nikarim bixim û vexwim. Ev ne gûncawe.”