ŞIRNEX – Di ser kuştina Taybet Înan a 7 rojan cenazeyê wê li kolanê ma re 2 sal derbas bûn. Keça wê Halime Taybet a tevî hemû hewldanan nikaribû dayika xwe ji erdê rake diyar kir ku ew her li wê kuçeyê dinêre û dayika wê ya li erdê dirêjkirî tê bîra wê.
Li ser kuştina Taybet Înan (57) ku cenazeyê wê 7 rojan li nêv kuçeyê hat hiştin û tiyê wê Yusuf Înan (53) ên di dema îlankirina qedexeya derketina kolanan a li Silopiyaya Şirnexê de hatibûn kuştin 2 sal derbas bûn. Dosyaya Dayika Taybet ku 10 gule ji laşê wê hatibûn derxistin hîn jî di asta lêpirsînê de ye. Li ser vê bûyera ku emniyetê gotibû piştî bûyerê ew 6 roj şûn ve hay jê çê bûne, 2 sal derbas bûne lê hîn jî êşa malbatê wek a roja berê ye.
‘NEYÊ SER MIN DÊ TE JÎ BIKUJIN’
Halime Înan a tevî hemû hewldanan jî nikaribû cenazeyê dayika xwe ya 7 rojan li nêv kuçeyê ma wergire wiha got: “Beriya qedexeyê dayika min ji min re gotibû ‘Wextê ez jî bimirim neyê li ser min. Neçe ser tu kesî. Nexwe dê te jî bikujin. Hêj zarokên te biçûk in."
‘6 SAET ERDÊ BIRÎNDAR MA’
Înan a wextê dest bi axaftinê kir rondik ji çavên wê hatin xwarê wiha got: “6 saet ligel hewaya sar li erdê bi awayekî birîndar ma. Wextê ez bi alaya spî çûm, da wê wergirim gule li me reşandin. Pişt re ez çûm malê. Wextê ez hişyar bûm saet dihat 6’an. Min got belkî cenaze rakirine. Wextê careke din ez çûm hêj erdê bû. Min nikaribû ez biçim cem...”
‘MIN JI DÊVLA DAYIKA XWE JI TIYÊ WÊ XATIR XWEST’
Înan destnîşan kir ku pişt re tiyê dayika min birîndar bûye û ew jî heya jêrzemîna malê hatiye û wiha berdewam kir: “Gelek caran me ji bo rewşê me agahî da emniyetê. Gotin bi alaya spî derkevin derve. Lê 3 caran me dan ber guleyan. Apê min got neçin dê me jî bikujin. Piştî demekê li ser çoka min jiyana xwe ji dest da. Li cihê dayika xwe ya min nekarî maç bikim, min du caran eniya wî maç kir. Min wisa helalî ji wan xwest.”
‘HER TIM RAKIRINA CENAZEYAN DIHAT BÎRA MIN’
Înan da zanîn ku pişt re ew bi bavê xwe re çûne maleke kêlaka mala wan û wiha axivî: “Li cihê ez 7 rojan şînê bigirim cenazeyên li erdê dihatin bîra min.” Înan bertek nîşanî daxuyaniya emniyetê da û wiha got: “Ma kesên em pê re axivîn ne ji emniyetê bûn? Di destên me de çek hebûn? Piştî hefteyekê hatin em derxistin. Leşkeran her tim gefa ‘Heke ji difina leşkerekî me jî xwîn bê em ê we jî bikujin’ li me dixwarin. Nedihiştin em serê xwe bilind bikin.”
‘NIKARIBÛM BEŞDARÎ DEFINKIRINA CENAZEYÊ JÎ BIBIM’
Înan got ku ji bo careke din ew heman wêneyî nebîne li ber kuçeya dayika wê hatiye kuştin derbas nabe û wiha dawî li axaftina xwe anî: “Ez ê tu carî vê ji bîr nekim. Min nikaribû beşdarî cenaze jî bibim. Her ez di cihê ku ew lê hatiye kuştin derbas dibim, heman wêne tê bîra min. Êşeke mezin e.”