*Rêxistinên çapemeniyê bertek nîşanî cezakirina rojnameger Nedîm Turfent dan û diyar kirin ku dadgehê nexwestiye bibîne ku Turfent rojnamger e û ev tişt gotin: "Bi vî cezayî dixwazin rojnamegerên li herêmê çavtirsandî bikin. Lê wê rojnameger vê yekê qebûl nekin, wê tim nûçeyan çê bikin."

 

* Analîstê Enerjiyê Ozgur Gurbuz bertek nîşanî çêkirina Santrala Hêzê yên Nukleerê ya Akkuyuyê da û aşkera kir ku kesê pêzan li ser înternetê agahî kopî kiriye û li rapora ÇED'ê zêde kirine û da zanîn ku der barê mijarê de tu agahiya wî tune.

 

* Dîlber Tanrikulu û Semra Argiş ên li Navçeya Nisêbînê li pêş kamerayan wekî “teslîm bûn" hatin nîşandan, rastiya pişt kamerayan vegotin. Tanrikulu û Argiş diyar kirin ku hemû tiştên li pêş kamerayan sanaryo bû û rastiya li pişt kamera û pêş kamerayan ne yek e. Ciwanan anîn ziman ku rastî îşkenceyek giran hatin. 

 

* Parêzerê 57 jê girtî 138 endam û rêveberên HDP’î Prz. Aydin Erdogan, piştî danişîna yekemîn darizandina muwekilê xwe nirxand. Prz. Erdogan, anî ziman ku hemû îdîaname xeyalî ne û her roj nepoxa wan diteqe û hemû îdîa pûç û vala ne. 

 

*Hevberdevka HDK'ê Gulîstan Koçyîgît, diyar kir ku divê di pêvajoya nû de enternasyonalîzma jinê bê avakirin û wê bi vê re di têkoşîna azadiyê ya jinê de gaveke girîng bê vegotin. 

 

*Qeyûmê ku ji bo dahata pîvekî ya şaredariyê gelek malên neguhêzbar ên aîdî Şaredariya Bajarê Mezin a Wanê firotin, herî dawî biryara firotina 8 malên neguhêzbar ên din jî da. 

 

*Parlementerê ANAP'ê yê berê Abdulbakî Erdogmûş wiha got: "Heke kurd nebêjin Kurdistan jî dê Kurdistan wek Kurdistan bimîne." Her wiha Erdogmûş ji bo pirsa "Kurdistan kuderê ye" jî heneka êdî wê her kes bibêje "Di dilê Osman Baydemîr de ye" kir. 

 

*Şaredariya Xozatê ya CHP'î wêne û belgeyên ku Komkujiya 38'an a Dersimê vedibêjin û di sala 2012'an de li navçeyê hatibûn daliqandin, bi hinceta "paqijkirina berfê asteng dike" rakirin. Şaredarê Xozatê yê berê vê yekê wek tunekirina bîra civakê nirxand. 

 

*Jina ku li nêv kuçeyê bi êrîşa zayendî re rû bi rû ma, vê carê jî dema ew birin qereqolê li vir bi pirsan hat tacîzkirin. E.X. bertek nîşanî van pirsên polîsan dan: "Ew kes hevalê te ye, têkiliyeke we ya dilînî heye yan?" 

 

*Li ser kuştina Taybet Înan ku cenazeyê wê 7 rojan li nêv kuçeyê hatibû hiştin, 2 sal derbas bûn. Keça wê Halime Taybet a tevî hemû hewldanan nikaribû dayika xwe ji ser erdê rake got ku ew her li wê kuçeyê dinêre û dayika wê ya li erdê dirêjkirî tê bîra wê. 

 

*Mêşvanên bi sermayê re ji Mûşê berê xwe didin Tarsusê, diyar kirin ku her sal hêvî dikin, lê ev du sal in ew tu pereyî qezenc nakin.

 

*Esnafên Mêrsînê bertek nîşanî daneyên TUÎK'ê yên ku wekî rêjeya mezinbûnê 11,1'ê dan û aşkera kirin ku madem mezinbûniyek heye ew çima nabînin. Esnafê bi navê Ozgur Kiliç diyar kir ku ew esnafekî piçûk e, karên wan roj bi roj dikeve û wiha got: "Dema ez di rewşeke wiha de bim, li gorî rewşa xwe diaxivim. Ev mezinbûneke çawa ye."

 

* Li Gevera ku zivistanek dirêj û hişk derbas dibe gel ji bo xwarinê bi tonan kartoln distîne û dibêjin ku li navçeyê yên ji kartolan hez neke tune ye, lê ji ber ku buha ne nikarin bistînin.

 

* Murat Araç ê hat îdîakirin ku li TEM'ê ya Antalya întihar kiriye dê li Serêkaniyê ya Rihayê bê definkirin. 

 

* Nûnerên DİSK, KESK, TTB û TMMOB'ê ji bo OHAL bê rakirin dê li Odeya Mimaran a Karakoyê ya Stenbolê formê pêk bîne. (11.00) 

 

* Cenazeyê şahida komkujiya Dersimê Emine Kıyan Çiçek dê li Dersimê be definkirin. (12.00)

 

* Çalakiya Kolana Yukselê ya ji bo Nûriye Gulmen û Semih Ozakça li karê xwe vegerin dê berdewam bike. (13.00-18.30)

 

* ÎHD û TÎHV bi minasebeta hefteya mafên mirovan dê li Tunela Beyoglu ya Stenbolê çalakiya "Zincîra mirovan a dest didin dest" pêk bînin. (13.00-18.30)

 

* Platforma Parastina Geliyê Locê dê li dijî avakirina HES'an li pêş Peykerê Kartal a Beşiktaşê çalakiyê pêk bînin. (14.00)