EDENE/AMED - Endamên Platfomên KESK'ê, yên Edene û Amedê ji bo hevalên xwe yên bi KHK'ê hatin ixrackirin dîsa li kar vegerin ji Serokwezîr re faks şandin.
Platforma Şaxan a KESK'ê yên Amed û Edeneyê, bi armanca helwesta Komîsyona OHAL'ê ku hêj der barê karmendên bi KHK'ê hatin îxrackirin biryar neday rexne bikin û hevalên wan li kar vegere, li postexaneyan ji serokwezîr Bînalî Yildirim re faks şandin.
Platforma Şaxan a KESK'ê ya Edeneyê, bi armanca helwesta Komîsyona OHAL'ê ku hêj der barê karmendên bi KHK'ê hatin îxrackirin biryar nedaye, li ber Postexaneya Cemalpaşa ya Ceyhanê daxuyanî dan û faks şandin. Berdevkê Platforma Şaxan a KESK'ê ya Edeneyê Tonguç Ozkan, bang li rayedaran kir û xwest KHK'yan paşve bikişînin û karê hevalên wan dîsa bide wan. Ozkan, anî ziman ku ew dê pêvajoyê bişopînin û şopdarê dozê bin. Piştî daxuyanî hat dayîn faks ji Serokwezîr Yildirim re şandin.
POLÎSAN ASTENGÎ DERXIST
Endamên Platfomên KESK'ê ya Amedê jî bi man armancê xwest li Postexaneya Navendi ya Yenîşehîrê faks bişîne û daxuyaniyê bide çapemeniyê. Koma endamen KESK'ê ya li ber postexaneye kom bûn rastî astengiya polîsan hatin. Endamên KESK'ê yên derbasî PTT'ê bûn faksên ku amade kiribûn ji Serokwezîr re şandin. Berdevkê Platforma Şaxan a KESK'ê ya Amedê Said Baran, diyar kir ku hevalên wan ên bi KHK'ê hatin îxrackirin salek derbas bû lê hêj tu encam zelal nebûye. Baran, anî ziman ku komisyona OHAL'ê armanc dike ku rê li pêş serlêdana DMME, welatên YE'ê bigire û rê li pêş parastina mafên wan digire.
PLATFORMA ŞAXAN A KESK'Ê YA KOCAELIYÊ JI KOMÎSYONÊ RE FAKS ŞAND
Platforma Şaxan a KESK'ê ya Kocaeliyê jî bi heman armancê li ber postexaneya Îzmitê daxuyanî da çapemeniyê. Platformê piştî daxuyaniyê ji komîsyona OHAL'ê re faks şand û daxwazên xwe anî ziman. Seroka Şaxa BES'ê ya Kocaeliyê Gulizar Ateş, diyar kir ku piştî komîsyona lêkolîna OHAL'e hat avakirin û heta niha bê hiqûqî didome.