ENQERE - Serokatiya Meclîsa Tirkiye ya bi paşveşandina pêşniyarnameyan ji rojevê dernakeve, rekor şikand. Serdema 26’emîn bû serdema herî pêşniyarname paşve hatin şandin. Serokatiya Meclîsê ji 20 hezar û 589 pêniyarnameyan hezar û 856 jê paşve şand.
Serokatiya Meclîsa Tirkiye di serdema 26’emîn de, herî dawî pêşniyarnameya daxwaza lêpirsîna komkujiya Robaskê bi hinceta gotina “Komkujiyê” paşve şand û vê yekê da nîşandan ku erka kontrolkirinê veguherandiye “erka îadekirin.” Ev bi hêjmaran jî derket holê. Buroya Kontrolê ya Biryar û Qanûna Meclîsê li gorî hêjmarên rojane yên dawî di serdama 26’emîn de ji 20 hezar û 589 pêniyarnameyan hezar û 856 jê îadekirin.
AN PAŞVE ŞANDIN AN BÊ BERSÎV HIŞTIN
Parlamenterên CHP’ê herî zêde di vê serdemê de pêşniyarname dan Meclîsê. Ji 13 hezar û 606 pêniyarnameyên hatin dayîn, 5 hezar û 805 jê bêbersiv hatin hiştin. 3 hezar û 457 pêşniyarnameyên HDP’ê hatin qebûlkirin, lê hîna bersiv nedane hezar û 766 pêşniyarnameyan. Parlamenterên AKP’ê 7 pêşniyarname da û her 7 jî hatin bersivandin. Ji hezar û 513 pêşniyarnameyên MHP’ê tenê 74 hatine bersivandin.
DAXWAZA LÊPIRSÎNA HINCETA REDKIRINÊ JÎ HAT RED KIRIN
Bi giştî 2 hezar û 344 pêşniyarnameyên lêpirsînê ku pêşkêşî Serdema 26’emîn a Meclîsê hatin kirin, tenê 26 pêşniyarnameyên AKP’ê pêşkêş kirin hatin qebûl kirin. Ji hezar û 400 pêşniyarname CHP’ê pêşkêş kirî 10, ji 675 pêşniyarnameyên HDP’ê tenê 136 û ji 243 pêşniyarnameyên MHP’ê jî 2 jê hatin îadekirin.
Wekîla Seroka Koma HDP’ê Fîlîz Kerestecîogku ji bo redkirina pêşniyarnameya komkujiya Roboskê, xwest lêpirsîn bê kirin, lê ev daxwaz jî bi dengdana AKP û MHP’ê hat redkirin.
HÊJMARÊN DEMA DERBAS BÛYÎ
Hev hêjmar, nîqaşên di dîroka Meclîsê de cara yekemîne ku mekanizmayên kontrolkirinê evqas bê erk hatine hiştin, bi xwe re anîn. Ji ber ku di çarçoveya pêvajoya sê salên dinavbera 28’ê Adara 2012’an û 25’ê Nîsana 2015’an de tenê 135 ê HDP, 150 ê MHP û 238 jî pêşniyarnameyên lêpirsînê hatin redkirin.
Ji ber biryara hilbijartina zû ya di 1’ê Mijdarê de, piştî hilbijartina 7 Hezarînê çend meh şûn de, HDP’ê tenê 100 pêşniyarnameyên lêpirsînê, 4 pirsiyare, 746 pirsname û 25 pirsnameyên bi devkî yên ji Serdema 25’emîn re şandin, hatin redkirin.
Di faliyetên Serdema 24’emîn de jî, bi giştî 57 hezar û 806 pêşniyarname pêşkêşî Serokatiya Meclîsê hat kirin. CHP’ê 29 hezar û 988, MHP’ê 23 hezar û 409 û HDP’ê jî 3 hezar û 871 pirsnameyên bi nivîskî pêşkêşî meclîsê kirin. Di vê serdemê de tenê hezar û 279 pirsname hatin îadekirin. Di vê Serdama 24’emîn de bersiva 22 hezar û 872 pirsnameyan hat dayîn.