ŞIRNEX - Li Cizîrê polîsan kamerayên pîksela wan zêde li esnafan ferz kir. Heke di nav du mehan de esnaf kamerayên li wan hatine ferzkirin li kareghên xwe bicihnekin wê ceza li wan bê birîn.
Muduriyeta Polîsan a Cizîrê, li hemû esnafên bajêr li kargehan bicihkirina kamerayan ferz kir. Hefteyeke polîs li esnafan digerin û teblîx kirine ku heke di nav du mehan de kamera neyên bicihkirin wê di çarçoveya Madeya 32'yemîn a Qanûna Qebehetan de ceza li esnafan bê birîn. Her wiha di teblîxata ku ji esnafan re hat şandin û hat îmzekirin de şertê divê kameryên bên bicihkirin pîkselên wan zêde bin heye. Di teblîxê de hatiye diyarkirin ku divê dîrok û saeta pergala kamerayê rojanekirî be û dema bê xwestin divê bi awayekî hêsan bê temînkirin û divê di qeydan de rîayetî jiyana taybet bê kirin û ji bilî hêzên dewletê ji tu kesên din re neyên vekirin.
Esnafan diyar kir ku ev kamerayên ku tên xwestin herî kêm bi hezar lîreyî ne û ji ber rewşa aborî ya heyî ew nikarin bikirin. Esnafan kamerayên MOBES'yê yên li her kolanê hatine bicihkirin bi bîr xistin.