Wê Kongreya Demokratîk a Gelan (HDK) di 17'ê Kanûnê roja yekşemê de bi dirûşmeya "Bi meclîsan ber bi demokrasiyê, bi komara demokratîk ber bi azadiyê ve" Desteya Giştî ya Awarte ya 8'emîn pêk bîne. Beriya desteya giştî Hevberdevka HDK'ê Gulîstan Kiliç Koçyîgît 6 salên HDK'ê nirxand. Koçyîgît destnîşan kir ku ji roja damezrandina HDK'ê heta niha, HDK di demokrasiya Tirkiyeyê de tekabulî xaleke watedar dike. Koçyîgît anî ziman ku HDK di 6 salên ku li pêyî xwe hiştiye de hema bêje piraniya hedefên ku diyar kiriye pêk aniye û dema mirov li aktorên siyasî, derdorên civakiyî, derdorên baweriyî yên di nav xwe de dihebîne dinere, kifş dibe ku ka rêxistineke çi qas pêkhêner e. Koçyîgît wiha got: "Mirov nikare bêje em hemû muxalefeta çep a Tirkiyeyê di nav xwe de dihebînin, lê em dikarin bêjin ku di bin banê HDK'ê de hêzeke çep-sosyalîst a hêzdar heye." 

 

Koçyîgît diyar kir ku armanca wan a sereke ew e ku tevkariyeke stratejîk a hêzdartir di bin banê HDK'ê de bînin gel hev û ev tişt gotin: "Di merheleyên ku em nikaribin vê yekê pêk bînin de, nexwe di bin banê HDK'ê de di meseleya me ya neyekkirina huqûqa avaniyên demokratîk, meseleya me ya tifaqê ya bi hêzên çepgir heye. Ev hêzên hevalbend, ew hêzên dost in ku em li Tirkiyeyê li gel hev dimeşin."

 

Koçyîgît dest nîşan kir ku HDK li Tirkiyeyê hemû ezber tarûmar kirine û balê kişand ser polîtîkayên ku darbeya 80'yî li ser derdorên çepgir meşandiye û

ev tişt gotin: "Dema em li wan rêxistinên çepgir ên hemû belav bûne dinerin û têkoşîna wan a di qadên cuda de dinerin, a rast HDK nav li meseleya têkoşîna yekgirtî dike. Bi tevgera siyasî ya kurd re, tevgera sosyalîst a Tirkiyeyê anî gel hev." 

 

‘XWEREXNEYA ME HEYE' 

 

Koçyîgît dest nîşan kir ku wan di civakê de bi awayekî tevahiyî pêvajoyeke rêxistinbûyînê pêk neaniye û ev yek ji bo wan cihê xwerexnekirinê ye û wiha domand: "Heke hîn jî bi navê AKP'ê partiyek hebe, heke hîn jî li vî welatî pirsgirêka kurd bi aştiyeke rûmetdar nehatibe talankirin, heke hîn jî jin bi taciz, tecawuzê re rû bi rû dimînin, heke penaber bi erzanî tên xebitandin, heke hîn jî madenvan di şert û mercên wek ên serdema navîn madenê derdixin, heke hîn jî qadên hêşîn tên talankirin nexwe di van tiştan de hin tiştên ku me nekirine hene. Heke me di asta ku em dixwazin me HDK'ê birêxistin bikira wê îro ne faşîzma AKP-MHP'ê hebûna ne jî ev polîtîkayên talankeriyê. Ji ber ku me nekir, îro îktîdar ewqas hêzdar e û hebûna xwe bi şer didomîne. Lê belê xwerexnekirina me ya sereke ew e ku di avakirina meclîsan û rêxistinbûyîna civakiyî de me xwe negihand wê asta ku em dixwazin." 

 

‘ÎTIRAZA ME HEYE' 

 

Koçyîgît dest nîşan kir ku wek HDK'ê divê hemû kes tev li jiyanê bibe û biryarên der barê xwe de bi xwe bide û ev tişt gotin: "Em wisa difikirin ku divê bi awayekî çalak tev li pêvajoyên biryarwergirtinê bibin. Pergala heyî, ji van tiştan hemûyan dûr e. Demokrasiyeke pirtemsîliyî heye, lê niha ew jî tune ye. Lê îtiraza me ji bo pergaleke ku li ser navê we biryaran werdigire heye. Pergala ku ferd kirdeya wê ye ji bo me pergala derbasdar e." 

 

‘EM Ê RÊXISTINBÛYÎNA XWE BIDOMÎNIN' 

 

Koçyîgît, diyar kir ku ew di pêvajoyeke ku li hemberî pêkhate û endamên wan ên desteya rêvebir bênavber operasyon tên lidarxistin de ber bi desteya giştî ve diçin. Koçyîgît diyar kir ku HDK tu carî dev ji meseleya rêxistinbûyîna civakê bernedaye. Koçyîgît dest nîşan kir ku jiyana siyasî ya rojane hewl dide hemû hêzên demokrasiyê têxe bin zeptûreptê û wiha got: "Em wisa difikirin ku paşvebirina faşîzmê bi parastin û pêşvebirina avaniya me ya rêxistinbûyî pêkan e. Li hemberî van girtin û zextan em ê rêxistinbûyîna xwe bidomînin." Koçyîgît got ku koalîsyona AKP û MHP'ê hewl didin xwe wek "rejîmeke faşîst" mayînde bikin, lê belê wê di kongreya wan de li hemberî faşîzmê sernavên sereke zeximkirina komara demokratîk be. 

 

Koçyîgît, bi bîr xist ku HDK ne partiyeke siyasî ye û tevî hemû hêzên demokrasiyê bikaranîna kuçeyê û kuçe bivênevêya wan e. Koçyîgît anî ziman ku demokrasî û wekhveiya esil li kuçeyan bi dest dikeve û ew ê ji bo vê tev bigerin. Koçyîgît dest nîşan kir ku ew ê ji bo vê yekê li her derî rêxistinbûyîna xwe pêk bînin.

 

MA/ Yasin Kobulan-Bilal Seçkin