WAN - Polîsan bi hinceta “Li hundir terorist hene" xaniyê Ataman dabû ber agir. Di şewata malê de Hediye Ataman şewitî û jiyana xwe ji dest dabû. Serdozgerê Komarê yê Erdîşê ku der barê bûyerê de lêpirsîn dabû destpêkirin bi sedema “Di bedena wê de şopa guleyê tune. Qisûr tune" biryara bêşopandina dozê da.
Polîs û leşkeran di 18'ê Mijdara 2016'an de li taxa Çelebîbagê ya navçeya Erdîşa Wanê xaniyê Hediye Ataman gulebarankirin û şewitandin. Heyide Ataman a 43 salî di xanî de bû xwelî û jiyana xwe jie dest dabû. Hevserê Hediye Ahmet Ataman jî hatibû binçavkirin û girtin. Ahmet Ataman, 7 rojan di bin çavan de ma û girtin û şandin Edliyeya Mûşê. Piştî bûyerê lepirsîn hat destpêkirin. Lêpirsîna ku dozgeriyê dest pê kir bi dawî bû. Parêzerê malbata Ataman Prz. Esra Akgun û Mahmut Kaçan a bi sedema “mafê jiyanê îhlal kiriye" serî li serdozgeriyê Erdîşê dabûn û xwestibûn doz bê vekirin û berpirsiyar bê cezakirin. Serdozgerê Komarê yê Erdîşê daxwaza parêzeran bi sedema qisûr tune red kir û pêdivî bi lêpirsînê nedît.
DOZGER: ŞOPA GULEYÊ TUNE QUSÛR JÎ TUNE
Serdozger li mala ku polîsan gulebaran kir û Ataman di malê de kuştin Ataman weki “endamên rexistinê" pênase kirin. Dozger parast ku tu qusûra polîsan tune ye. Serdozger îdîa kir ku di malê de “endamên rêxistinê" hebûn û ji ber polîs û leşkeran xwestine “Endamên rêxistinê" bê tesîr bikin gule reşandine û kesên li malê jî bi çekan bersîv dane polîsan. Dozger da zanîn ku di şer de 3 polis birîndar bûne. Dozger da zanîn ku di bedena Ataman a jiyana xwe ji dest daye şopa guleyê nehatiye dîtin û bi çekê nehatiye kuştin. Polîs bi sedema di bedena Ataman de şopa guleyê tune kuştinek bê qisûr pênase kir û parast ku di bûyerê de îhlala mafê jiyanê pêk nehatiye.
Parêzerên Ataman û hevserê wê Ahmet Ataman, serîli Dadgeha Cezayê Sulhê ya Erdîşê da û biryara dozger ya "pêdivî bi lêpirsînê tune" îtîraz kir.
Parêzeran di daxwaznameya îtîrazê de diyar kirin ku Ataman jinek sivîl e û di malê de hatiye gulebarankirin û jiyana xwe ji dest daye. Parêzeran xwest lêpirsînek bi bandor bê kirin û bersûc bên darizandin. Parêzeran anîn ziman ku di xaniyê ku Ataman têde jiyana xwe ji dest daye dimenên xerakirin û şewitandinê heye. Parêzeran da zanîn ku Rapora Saziya Tipa Edlî heye û 3 polîsên ku tê gotin birindar bûne qeyda wan li nexweşxaneyan tune ye. Parêzeran dîsa pirsa "Endamên rêxistinê çawa dibe di mala bi tevahî hatiye şewitandin û xerakirin ji malê bi saxî derkeve" pirsîn. Dadgehê jî serlêdana parêzeran a îtîrazê qebûl kir û biryar da ku lêpirsînê firehtir bikin.
Şahidê bûyerê û Hevserê Hediye Ataman Ahmet Ataman jî piştî rastî îşkencyê hat hat girtin û niha li Girtîgeha Tîpa L a Patnosê girtî ye. Ataman ê girtî tê darizandin bi sucdariya “Endamtiya rexistinê" der barê wî de doz hatiye vekirin. Ataman ku rastî îşkenceyê hatiye şopa guleyê li ser bedena wî heye. Ataman ku dermankirina wî berdewam dike dema li ber malê îşkence lê hat kirin gule lê ket an di bin çavan de gule lê ketiye ne diyar e. Ahmet Ataman diyar kiribû ku dema çû deriyê malê veke polîsan xaniyê wî da ber agir.
Parêzera malbata Ataman Esra Akgun,diyar kir ku ew dê heta dawî dozê bişopînin û dest ji şopandina dozê bernadin. Akgun, destnîşan kir ku ger encamê bi dest nexin dê dozê heta Dadgeha Mafên Mirovan a Ewropa bibin.
MA / Nimet Ölmez