Girtîgeha Tîpa T a Tarsusa Mêrsînê ku bi binpêkirinên mafên mirovan tim di rojevê deye, bi îdîaya îşkencê cardin ket rojevê. Cengîz Temel û bi 6 girtiyên berî 20 rojan ji Girtîgeha Tîpa M a Îskenderûnê sîrgûnî Girtîgeha Tîpa T a Tarsûsê hatin kirin, di ketina girtîgehê de lêgerîna tazî ferzî wan kirin, girtiyên lêgerîna tazî qebûl nekirin rastî derbên gardiyenan hatin û kincên wan çirandin.  

Temel îşkenceya li wan hat kirin bi rêya telefonê bi apê xwe Davût Temel re parve û banga hestiyariyê li raya giştî kir. 

 

 Ap Temel ku roja Duşemê bi biraziyê xwe re axivî, tiştên biraziyê wî jê  re gotin wiha rêz kir: “Biraziyê min Cengîz ji ber ku lêgerîna tazî qebûl nakin, gardiyan îşkenceyê liwandikin û laşê wan ê cihên cuda reş û şîn kirin. Kincên li ser wan bi giştî çirandine û tenê destûra parçeke kinc bigrin gel xwe dane.  4 rojan di hucreyan de girtine û pişt re jî birine qawîşan. Lê hîna jî ji sê hevalên xwe agahî nagirin. Ji ber ku hêjmar ser piyan dayîn qebûl nakin, gardiyan tim ser qawîşa wan de digirin û wan derp dikin. Gardiyan starên nijatperest li ser hoparlorê bi wan didin guhdarkirin û dixwazin provokasyonê derbixin.” 

 

Temel, li dijî binpêkirinên mafên mirovan ên li girtîgehan banga hestiyariyê  li raya giştî kir û wiha got: “Divê pêvajoyê de girtiyên siyasî dibin tecrîteke giran dene. Divê saziyên mafên mirovan û raya giştî hîn zêdetir li dijî van binpêkirinan derbikevin û bi hestiyar tevbigerin.”