MÊRSÎN - Şert û mercên zivistanê her ku diçin giran dibin û ev bandoreke giran li ser xizanan dike. Hele rewşa penaberan gelekî dijwar e. Ahmet Alî yê bavê 11 zarokan e, ji van penaberan yek e. Alî aşkera kir ku dewlet soza ji bo wan daye pêk ne aniye û ev tişt got: "Dest ji alîkariyê berdin, li cihên ku em lê dimînin, berdidin me."
Penaberên ji ber şer dest ji axa xwe berdidin, Tirkiyeyê wekî qada jiyanê dibînin û di şertên gelek zehmet de dijîn. Tirkmenên Bayirbucakê li taxa Ozgurlukê ya navçeya Akdenîza Mêrsînê, li ser Girê Tirmilê kon vedan. Piştî hewa sar bû jiyana wan gelekî zehmet derbas dibe. Ji bo penaber xwe ji sermayê biparêzin, hin welatiyan betanî, cil û berg, sobe, êzing û xwarin dane wan.
Piştî şerê li Sûriyeyê kûr bû, Ahmet Alî yê ji Tirkmenê Bayirbucakê ye, hevjîn û zarokên xwe girtin û ji Helebê berê xwe da Tirkiyeyê. Alî destnîşan kir ku ruxmê hemû zehmetiyan jî wan nexwestiye vegerin nav şerê li Sûriyeyê. Alî diyar kir ku ew 2 sal in li Tirkiyeyê dijîn, di demsalên havînê de diçin Kayserî, Stenbol û Dîlokê û ev tişt got: "Em zivistanê tên Mêrsînê. Li gorî bajarên din Mêrsîn zivistanê hinekî germtir e. Ez tizbiyên ku çêdikim, pê debara xwe dikim. Heke ez bifroşim rojê 30-40 TL'yî qezenc dikim û wê jî pê nanê xwe distînim. Ji derveyê wê tiştekî din pêşwazî nakim."
'ZIVISTAN HAT JIYAN ZEHMET BÛ'
Alî anî ziman ku ji bo ew xwe germ bikin, şêniyên taxê nivîn, lehêf, betanî û kon dane wan û wiha pê de çû: "Carnan jî xwarinê didin. Her çendî van alîkariyan bidin jî dîsa jî em germ nabin. Zivistan hat jiyana di konan de zehmet bû. Di baranê de avê berdidin. Bi şev gelekî sar dibe û em diqerisin. Zarok jî dicemidin, lê em nikarin wan germ bikin. Em ê çi bikin em nizanin. Em li vir avê jî nabînin û ji mizgeftên dûr em avê tînin. Em bi wê avê hemû pêwîstiyên xwe pêk tînin."
'DEWLET ALÎKARÎ NAKE, BERDIDE ME'
Alî destnîşan kir ku dewletê berê soza alîkariyê daye wan, lê soza xwe neaniye cih û wiha dirêjî da axaftina xwe: "Dest ji alîkariyê berdin, bedidin me û dixwazin em ji vir biçin. Dibên hûn derûdor aciz dikin. Dîsa dibên li vir xebatên şaredariyê hene. Zabite hatin gotin ku 'Ji vir derkevin. Careke din neyên vir.' Cihên ku em lê bisekinin jî nîşanî me nedan. Cihê ku em biçinê tune. Em naxwazin biçin Sûriyeyê, dê li wir me bikujin."
'ROJÊN ZEHMET LI BENDA ME NE'
Muhammet Alî jî derbirî ku 8 zarokên wan hene, bi salan e welatiyên li herêmê alîkariya wan dikin. Alî piştrast kir ku zarokên wan gelek caran bi xwarinê jehrî dibin û ev axaftin kir: "Tu alîkarî nedan me. Em alîkariyê ne ji bo xwe, ji bo zarokên xwe dixwazin. Bila xarinek germ, malek paqij hebe û em jî jiyana xwe berdewam bikin. Ne xwe dê rojên zehmet li benda me bin."
Muhammet Alî jî derbirî ku 8 zarokên wan hene, bi salan e welatiyên li herêmê alîkariya wan dikin. Alî piştrast kir ku zarokên wan gelek caran bi xwarinê jehrî dibin û ev axaftin kir: "Tu alîkarî nedan me. Em alîkariyê ne ji bo xwe, ji bo zarokên xwe dixwazin. Bila xarinek germ, malek paqij hebe û em jî jiyana xwe berdewam bikin. Ne xwe dê rojên zehmet li benda me bin."
Muhammet Alî jî derbirî ku 8 zarokên wan hene, bi salan e welatiyên li herêmê alîkariya wan dikin. Alî piştrast kir ku zarokên wan gelek caran bi xwarinê jehrî dibin û ev axaftin kir: "Tu alîkarî nedan me. Em alîkariyê ne ji bo xwe, ji bo zarokên xwe dixwazin. Bila xarinek germ, malek paqij hebe û em jî jiyana xwe berdewam bikin. Ne xwe dê rojên zehmet li benda me bin."