Di 8'ê Cotmeha 2016'an de li ser Kolana Cengîz Topel a naveçeya Geverê ya Colemêrgê, di maşîneya zirxî ya kobra de gule hatibû reşandin, di bûyerê de Serhat Buldan, Rahmî Safahali, Necdet Îşozu û Aydin Tumen jiyana xwe ji dest dabûn, Şemsettîn Kaya û Mehmet Alî Kaya jî birîndar bûbûn. Doza der barê polîs Îlyas Mekîklî de hat vekirin, bi sûcdariya "Bi zanebûn kuştiye" heta 15 salan ceza jê re tê xwstin. rûniştina 3'yemîn a dozê hat dîtin.

 

Bi hinceta "Ewlehiyê" doz neqlî 3'yemîn Dadgeha Cezayê Giran a Amedê hat kirin, bersûc Mekîklî bi rêya SEGBÎS'ê ji Edliyeya navçeya Devrekê beşdarî rûniştinê bû. Di dozê de bavê Serhat Buldan, Hasan Buldan, bavê Necdet Îşozu Sabrî Îşozu û apê Aydin Tumen Ubeyît Tumen bi parêzeran re tev li rûniştinê bûn. Di dozê de destpêkê muştekîlan axivî.

 

'EM JI BER BERDANA WÎ MEHTEL IN'

 

Bavê Serhat Buldan ê di bûyerê de hat kutin, Hasan Buldan ev tişt got: "Kesekî ew qas sûcekî mezin kiriye, di salekî de tê tahliyekirin. Heke vî kesî 4 sewal bikuşta, dê 4-5 salan di girtîgehê de bima. Vî kesî 4 mirovên me kuştin. Çima serbest digere. Em ecêb mane. Cezayê pêwîst bidin vî kesî. Heke hûn ceza nadin vê ez we hewaleyê xwedê dikim."

 

Bavê Necdet Îşozu Sabrî Îzozu jî ev tişt anî ziman: "Heke edalet hebe, divê hûn vî zilamî bernedin. Heke hûn berdin em heqê xwe helal nakin."

 

Apê Aydin Tumen Ubeyît Tumen jî nerazîbûn da nîşan û wiha axivî: "Dibêjin ku ev bûyer qeza ye. Çawa dema maşîne bi rêve diçe wisa guleyan davêje, çawa vedigere dîsa guleyan berdide heman cihî. Ez edaletê dixwazim."

 

'KAMERA HEYE, EMYET DEREWAN DIKE'

 

Parêzerê muştekîl Davut Uzunkopru, bal kişand ser gotinên waliyê berê ên wekî "Çek ji ber xwe teqiya û mirin pêk hatin" û ev tişt anî ziman: "Der barê bûyerê de tê gotin ku 'Bi zanebûn mirov hatine kuştin' û nêrîneke wiha heye. Em dibînin ku ev dosya tê girtin. Beyî ku raporên pêzan bên girtin û rapor bên sererastkirin, parêzeriya bersûc dozger kiriye. Her çendî rapora pêzan ji 32 rûpelan pêk bê jî, tenê 4 rûpel der barê bersûc de ye." Uzunkupru aşkera kir ku dîmenên maşînê heye, emyet derewan dike û got ku "Di vê dozê de cezayê kuştina kurdan tenê 4 meh e."

 

'EMYET Û CENDIRMEYAN BERSÛC XELAT KIRIYE'

 

Serokê Baroya Colemêrgê Serdar Işik jî ev tişt anî ziman: "Di serî de heta niha em bi tiştên ecêb re rû bi rû ne. Me di mirinên bi keç ên li Tirkiyeyê de tiştên ku nedîtin, di vir de dîtin. Çeka 3 emyetan di vir de berê wê dane gel. Em di vê bûyerê de li pey çeka ku sûc avîtine ser wê de diçin. Wê demê bila fîrmaya çekê jî bê darizandin. Bersûc di îfadeya xwe de diyar dike ku berê li taxa Ormanê li dijî hempîşeyên wî êrîş pêk hatiye, ji ber eê emyeta çekê vekirî hiştiye. Tiştekî wiha tune. Dema ji şaxê derdikeve emyeta çekê vekirî ye. Bersûc dibêje ku gule ji derve ve hatine. Yê derva dibîne bersûc e. Dema guleyan davêje, mirov dest bi revê dikin. Ez ji vê wiha fêm dikim. Bersûc, di hundur de li ekranê dîmenan mêze nake. Bersûc dibêje ku wî gule ji derve ve avêtiye. Derewan dike. Di tevgera taybet de dixebite. Lêpirsîna dîsîplînê hatiye kirin an an, jê hatiye kirin. Emyet û cendirmeyan ji bersûc re xelat şandine. Di dozê de gelek delîlên ku bên komkirin hene. Dîmen hatine temaşekirin. Dibe ku bersûc ji sûcê bi zanebûn mirov kuştiye bê darizandin. Fikara ku bireve heye. Em dixwazin bê girtin."

 

ÎTIRAF KIR KU EMET VEKIRÎ HIŞTIYE

 

Dozgerê rûniştinê mutalaya xwe aşkera kir û xwest kêmasiyên dozê bên temamkirin. 

 

Bersûc Îlyas Mekîklî jî da zanîn ku ew ji ber bûyerek wiha xemgîn e û wiha axivî: "Dema ez ji Miduryeta Navçeyê derketim, rast e emyeta çekê vekirî bû. Li gel min du hempîşeyên min hebûn."

 

Dadgehê ji bo kêmasiyên dosyayê bên temamkirin, doz taloqî 8'ê Sibata 2018'an kir.