NAVENDA NÛÇEYAN - Li Wan û Colemêrgê bi minasebeta Cejna Qurbanê malbat çûn ser gorên zarokên xwe yên di têkoşîna aştî û demokrasiyê de jiyana xwe ji dest dabûn ziyarez kirin û li ser gorên wan cejn pîroz kirin.
Li Wan û Colemêrgê xizmên kesên di têkoşîna aştî û demokrasiyê de jiyana xwe ji dest dane û rêveberên HDP, DBP û nûnerên rêxistinên demokratîk li ser gorên zarokên xwe cejn pîroz kirin.
WAN
Li Wanê endam û rêveberên HDP û DBP'ê li gel parlamenterên HDP'ê Murat Sarısaç û Muazzez Orhan û nûnerên TUHAY-DER'e di saetên serê sibê de çûn ser goristanan û gorên kesên di têkoşîna aştî, demokrasî û azadiyê de jiyana xwe ji dest dane ziyaret kirin. Hevşaredara Wanê Bedia Ozgokçe jî tev li ziyaretê bû. Ewil çûn navçeya Artemêtê û Tuşba û li vir goristan ziyaret kirin. Malbat û nûneran li vir cejn pîroz kirin û dua xwendin. Li goristana Seyrantepe jî li ser gorên bêkesan dua xwendin û malbatên di konteyniran de dijîn ziyaret kirin.
COLEMÊRG
Li Colemêrgê jî bi minasebeta Cejna Kurbanê goristan ziyaret kirin. Di saetên serê sibê de malbat û rêveberên HDP'ê çûn goristan ziyaret kirin. Girseya ku di navde endam û rêvberên HDP'ê hebûn Goristana Serê Solan ziyaret kirin. Rêveberên HDP'ê û hevşaredar jî tev li ziyaretan bûn. Li ser goran rêz girtin û dua xwendin. Hevserokê HDP'ê yê Colemêrgê Sinan Kaya, xwest ev cejn bibe wesîleya aştiyê. Kaya, anî ziman ku wê ji bo daxwaz û xelayên kesên di vê rêyê de jiyana xwe ji dest dane têbikoşin û hewl bidin ku layîkî doz û têkoşîna wan bin. Kaya xwest ev cejn bibe wesîleya azadiya Rêberê PKK'ê Abdullah Ocalan û hemû gelê Rojhilata Navîn.
ŞIRNEX
Li Şirnexê jî gel çû li avahiya HDP'ê ya Şirnexê cejn pîroz kir. Rêxistina Partiya Demokratîk a Gelan (HDP) ya Şirnexê di roja ewil a cejnê de li avahiya xwe pîrozbahî qebûl kir. Rêveberên HDP'ê yên Cizîr, Hezex û Sîlopiyê û parlamenterên HDP'ê yên Şirexê Nuran Îmir û Huseyin Kaçmaz beşdarî pîrozbahiyê bûn. Gel di pirozbahiyê de aştî û çareseriya demoratîk xwest .