OSMANIYE - Li Girtîgeha Osmaniye, girtiyê nexweş Sabrî Kaya ê ji sedî 25 dilê wî dixebite ji ber ku hejmara li ser piyan qebûl nekir, ji aliyê gardiyenan ve hat derpkirin û gardiyenan ew bi erdê re kaş kirin.
Îdîayên îşkence û binpêkirinên mafên mirovan ên li Girtîgeha Tîpa T a Hejmara 2 a Osmaniyê, ji rojevê dernaveke. Li van binpêkirinên mafên mirovan yek din zêde bû. Hat diyar kirin ku li girtîgehê gardiyan di 8’ê Tebaxê de, ketin qawîşa A-6 û hejmara li ser piyan ferzî girtiyan kirin, lê ji ber ku girtiyan hejmara li ser piyan qebûl nekirine, rastî lêdana gardiyanan hene. Yek ji girtiyên hatin derp kirin girtiyê nexweş Sabrî Kaya yê ji sedî 25 dilê wî dixebitê ye. Kaya di hevdîtina bi malbata xwe re kir de, binpêkirinên mafên mirovan ên di 8’ê Tebaxê de hatin jiyîn parve kir.
'GIRTIYÊ JI SEDÎ 25 DILÊ WÎ DIXEBITE DERP KIRIN'
Kaya, diyar kir ku li girtîgehê pir zêde rastî binpêkirinan tên û wiha ev tişt ji malbata xwe re gotin: “Li girtîgehê ferzkirin keyfî hene. Dema ku em van pêkanîna qebûl nakin em derb dikin. Gardiyenên serê sibê ji bo hijmarê ketin qawişa me, hejmara li ser piyan ferzî me kirin. Gava ku me ev qebûl nekir, bi cop, zeleh û pehînan êrîşî me kirin. Em bi erdê re kaş kirin û îşkencê li me kirin. Di dema êrîşê de, ez ji ser hişê xwe çûm. Nexweşiya min a kronîk a dil heye. Ligel vê yekê jî îşkence li min û hevalên min kirin. Tu ewlekariya canê me tuneye. Em bang li parazvanên marên mirovan û raya giştî ya bi hestiyar dikin ku peywira xwe bi cih bînin.”
Kaya, da zanîn ku tu ewlekariya canê wan tuneye û banga hestiyariyê li raya giştî kir ku derbarê girtîgehê de bi hestiyar tevbigerin.
'DERBARÊ JIYAN WÎ DE FIKARÊN ME HENE’
Keça Kaya Dîlan Kaya, anî ziman ku gardiyenan bavê wê derb kirine û wiha axivî: “Di hevdîtinê bavê min ji me re gotin em wisan fêr bûn. Nexweşiya bavê min a kronîk a dil heye. Dilê bavê min ji sedî 25 dixebite. Nexweşiya wî ya şekir heye. Tu mafê wan nîne ku wisan li girtiyek nexweş bikin. Derbarê jiyana bavê min de fikarên min hene. Bavê min 10 salin di girtîgehê deye. Li Osmaniyê rastî binpêkirinên mafên cîdî tên. Em dixwazin dawî li vê îşkencê û zilmê were.”
MA/Hamdûllah Kesen