AMED - Serokê Komeleya Ramana Akademîk û Yekîtîyê ya Amedê Muhammed Beybur, bal kişand ser pirsgirêkên tenduristiyê û got: "Li Nexweşxaneya Welidînê ya Jinan di nava 2 mehan de 37 pitikên welidîn jiyana xwe ji dest dan.
Komeleya Ramana Akademîk û Yekîtîyê ya Amedê, "Rapora Îhlalên Mafên Mirovan û Skandalên Qada Tenuduristiyê ya Bajarê Amedê" bi civîna çapemeniyê bi raya giştî re parve kirin. Komeleyê li Cemîyeta Rojnamegeran a Guneydogu, civîna çapemeniyê li dar xist. Serokê komeleyê Muhammed Beybur, diyar kir ku di navbera salên 2018-2019'an de li Amedê gelek skandalên tenduristiyê pêk hatin û wiha got: "Li gel van îhlalan, der barê Midûrê Tenduristiya Bajar Sait Avar û rayedarên din de heta niha tu lêpirsîn nehatine destpêkirin. Li unîteya Welidînên nû ya Nexweşxaneya Welîdînê ya Jinan, di navbera 8'ê Tebaxa 2018'an û 7'ê Mijdarê de di nava 2 mehan de 37 zarokên nû welidîn jiyana xwe ji dest dan. Wê demê gelek pitikên nû ji dayik bûn li Unîteya Venêrtina Zêde ya Welidînê de ji ber "enfeksiyon" girtin jiyana xwe ji dest dan. Midûrê Tenduristiyê yê Bajar Sait Avar girtek girtin. Di venêrtinan de tê diyar kirin ku Unîteya Nû û kuvoz nayên paqijkirin. Di mirina pitikan de di serî de Midûrê Tenduristiya Bajar Sait Avar û rayedarên eleqeder berpirsiyar in."
Beybur, xwest kesên berpirsiyarên mirina zarokan bên darizandin û cezakirin û wiha got: "Li Nexweşxaneya Lêkolîn û Perwerdehiyê ya Gazi Yaşargîlê di navbera Kanûna 2018'an û Sibata 2019'an de kêzîk û moriyên textan belav bûn. Li beşên ku nexweşên Gastroenteroloji, Nefroloji, Ortopedi, Cerrahiya mejî û Cerahiya Giştî ku nexweşên krîtîk in, nexweşiyên ku di sedsala 21’an de nayên qebûlkirin belav bûn. Ji ber van bapêş û nexweşiyên belav dibin ji bo demekê ev peşên nexweşxaneyê hatin girtin û xistin karantinayê. Lê der bare enfeksiyon û refaqetvanên nexweşan de tu xebatên zanistî nehatin kirin. Alav û amurên ku kêzik û moriyên textan lê hatin dîtin li nêzî nexweşxaneyê hatin îmhakirin. Li dijî rêbazên îmhayê yên Bermahiyên Tibbî hatin kirin."
Beştûr, bal kişand ser Nexweşxaneya Welidînê ya Jinan a Amedê jî û wiha got: "Li nexweşxaneyê nexweş û xizmên nexweşan ne di nava şert û mercên hijyenik de dijîn. Li Nexweşxaneya Lêkolîn û Perwerdehiyê ya Gazi Yaşargil li cihê ku malzemeyên tibbî, xwaringeh û metbex lê heye gelek caran di bin ava lagimê de maye. Lê ji ber sersariya rêveberan nehatiye çareserkirin. "
Beytur, anî ziman ku li Nexweşxaneya Zarokan a Amedê jî di bin ava lagimê de maye û nexweşxane ji ber bêhna genî mirov nikare lê bijî û wiha got: "Li Nexweşxaneya Zarokan hêjmara doşekan kêm e. Ji ber doşek kêm in, zarokên nexweş ku serûm di piyê wan de ye ji aliyê malbatan ve li korîdoran didin razandin.
Dîsa di ihaleyên nexweşxaneyê de nelirêtî tê kirin. Di 20'ê Kanûna 2018'an de li Nexweşxaneya Gazi Yaşargilê 15 beşên malzemeyên tibbî li gorî isûl û pîvanan nehatin kirîn. Ji 15 beşên malzemeyan 10 ji wan bi buhayekî pir zêde hatiye kirîn."
Beybur, bal kişan ser tesîsatê elektrîkê yê Nexweşxaneya Gazi Yaşargilê û wiha got: "Ji ber ku dewreyên elektrîke şewitîn, divê malzemeyên elektrîkê bên nûkirin. Ji bo vê yekê Serhekîm Dr. Mahmut Taş bi fîrmayekê re hevditin kiriye û di nava 15 rojan de ji bo hemû karan bi 300-350 hezar TL li hev kirine. Lê Midûrê Tenduristiyê yê Amedê Sait Avar û Midûrê Nexweşxaneyê Ahmet Turmuş û Cîgirê Midûrê Kirînê M. Saddık Guzel, zext li Serhekîmê nexweşxaneyê Mahmut Taş kirine û xwestine îhaleyê bidin fîrmaya ku barizyê Îlhami Avar aniye bi 700 hezar TL dewreyên elektirîkê çêkin. Ji ber karê ku bi qasî mehekê berdewam kir, pêdiviya ceyranê bi jeneretorê temîn kirine û heqê lêçûna jeneretorê jî 50 hezar TL nîşan dane. Bi giştî nexweşxaneyê 120 hezar tl zerat dîtiye. Li aliyê din Serhekîm Mahmut Taş ji ber zextên li ser wî hatine kirin ji erka xwe îstifa kiriye.