AMED – Parêzer Mesût Beştaş nîqaşên li ser Pergala Hikumeta Serokkomariyê û vegera rejîma berê yên bi daxwaza “reformê” hatin rojevê nirxand û got: “Alternatîfa rejîma berê û rejîma nû rêya 3’yemîn e.”
Piştî hilbijartinê demildest ji bo Pergala Hikumeta Serokkomariyê ya ev bû salek di meriyetê de ye nîqaşên “di cihên xetimandî de reform” hat destpêkirin. Di pergala ji aliyê AKP’ê ve hat avakirin, revîzyon tê axaftin. CHP jî ji bo Pergala Hikumeta Parlamenteriyê zorê dide desthilatdariyê. HDP jî bi stratejiya “rêya sêyemîn” nêzîkatiya AKP’ê û CHP’ê red dike û ji bo derketina ji krîzê “destûra bingehîn a demokratîk” pêşniyar dike.
‘HER KES DIKARE JI RÊYA SÊYEMÎN SÛDÊ WERBIGIRE’
Parêzer Mesût Beştaş nîqaşên li ser pergalê ku pêk tên ji ajansa me re nirxand.
Beştaş da zanîn ku li Tirkiyeyê bi giştî pirsgirêkek birêvebirina pergalê heye û got: “Salek bi ser vê rejîma nû re derbas bû. Pergal ango rejîm bi tengezar e. Ev derket holê. Desthilatdariyê ji bo her tiştê pêşniyar dikir nikaribû pêk bianiya vê rejîmê pêşniyar kirin û xistin meriyetê. Bi pergala nû re dê nikaribin pergalê bidin rûniştandin. Pergala serokatiyê ji bo Tirkiyeyê tiştek giran e û zêdahiyek e. Çimkî pergala demokrasiyê nehatiye rûniştandin. Şertên birêvebirina siyasetê ji holê rakiriye. Ev yek jî demokrasiyê li pêş naxe. Revîzyona AKP dê bîne jî wê gel tu sûdê ji wernegire. Ne Pergala Serokkomariyê û ne jî Pergala Parlamenteriyê pirsgirêkên welat çareser nakin û xelkê şanaz nake. Ji ber vê yekê jî di lêgerîna rêya 3’yemîn de feyde heye.”
'PÊŞNIYARA HDP’Ê DIKARE BIBE ALTERNATÎF’
Beştaş destnîşan kir ku “Destûra Bingehîn a Demokratîk” ku HDP wek rêya sêyemîn pênase dike dê rê li ber çareseriya pirsgirêkan veke û got: “Pêşniyara HDP’ê ya destûra bingehîn a demokratîk wek alternatîfa pêşniyarên partiya muxalefetê û îktadarê dikare were dîtin. Divê di vê mijarê de kes hişk nefikire. Pêwîste di nava civakê de mutabatek giştî pêk were û lazime ev bawerî li pêş bikeve. Pêwîstî bi reformek ku hemû rejîman biguherîne heye.”
MA / Aydin Atay