Parlamentera Partiya Demokratîk a Gelan (HDP) a Mêrdînê Pero Dundar polîtîkayên pişaftinê yên li ser zimanê kurdî, girtina saziyên perwerdeyê yên kurdî, daxistina tabelayên kurdî û qedexekirina peyva "Kurdistanê" bir rojeva meclisê û bi daxwaza ku Wezîrê Karên Hundir Suleyman Soylû bibersivîne Peşniyaz Pirsekî da Serokatiya Meclisê.

 

Dundar têkildarî mijarê van pirsan ji Soylû kir;

 

* Çend saziyên bi kurdî perwerdeya didan hatin girtin? Binasiya qanûnî ya girtina van saziyan çî ye?

 

* Bi girtina saziyên zimanê kurdî çi tê armancakirin?

 

* Çend saziyên weşana kurdî dikirin hatin girtin? Binasiya qanûnî ya girtina van saziyan çî ye?

 

* Çend welatiyên ku ji ber kurdî axivîne rastî êrîşê hatine û jiyana xwe ji dest dane hene? Çend kesên ku van êrîşan pêk anîne hatine girtin? Ji bo pêşîlêgirtina van êrîşan xebatên bi çi rengî hatine kirin?

 

* Armanca daxwaza di bin avê de hiştina Heskîfê qirkirina çandî nîne? 

 

* Çima bi kar anîna "Kurdistanê" hatiye qedexekirin?

 

* Li aliyekî kesên peywa Kurdistanê bi kar tînin tên darizandin û cezakirin, li aliyê din bikaranîn vê peyvê ya ji bo propagandaya hilbijartinê hûn çawa dinirxînin?

 

* Tabeleya pirzimanî ya Şaredariya Bedlîsê çima hatiye daxistin? Ev bêtemûliya li dijî kurdî nîne?

 

* Dê tabelaya pirzimanî ya Şaredariya Bedlisê kîngê bê daleqandin? Tu hewldaneke we ji bo ji nû ve daleqandin vê tabeleyê çê bibe?

 

* Bi derxistina peyvên kurdî yên ji tabeleya Şaredariya Bedlîsê hûn difikirin ku ji kurdan deng bigirin?

 

* Hûn ê kîngê dev ji bikaranîna gelê kurd û kurdî ya ji bo porpagandaya hilbijartinê berdin?

 

* Kurdî dê kîngê bigihîje ewlewiya makeqanûnî? Ji bo ku kurdî bigihîje ewlehiya makeqanûnî xebatên bi çi rengî hatine kirin?