ŞIRNEX - Xizmên kesên di jêrzemîna Cizîrê de bi bombeyên tang û topan hatin kuştin, bertek nîşanî biryara DMME'ê dan û gotin: "DMME bi vê biryarê bû şirîkê komkujiyê."
Li navçeya Cizîr a Şirnexê, di 14'ê Kanûna 2015'an de qedexeya derketina derve hatibû îlankirin û 79 rojan berdewam kiribû. Di dema qedexeyê de 137 kes di jêrzemînên 3 avahiyan de asê mabûn û bi tang û topan hatibûn şewitandin. Di 3'emîn salvegera şer de danişina dozê li Dadgeha Mafên Mirovan a Ewropa (MMME) hat dîtin. DMME'ê serlêdan red kir û diyar kir ku ev serledan nayê qebûlkirin. Xizmê kesên jiyana xwe ji dest dan Omer Elçî serili DMME'ê dabû. Lê DMME'ê bi hinceta rêyen hiqûqa navxweyî bi dawî nebûye serlêdan red kir. Xizmên kesên di jêrzemîna Cizîrê de bi bombeyên tang û topan hatin kuştin, bertek nîşanî biryara DMME'ê dan û gotin: "DMME bi vê biryarê bû şirîkê komkujiyê. Dayika Hacer Aslan Hezni Aslan û Hevjîna Orhan Tunç Guler Tunç, bertek nîşanî biryarê dan.
TUNÇ: BIRYAR NAYÊ QEBÛL KIRIN
Guler Tunç ku di 13'ê mijdara 2018'an de li Strasburga Fransayê tev li danişînê bû, diyar kir ku biryara DMME'ê li gorî wê ne hiqûqî ye û wiha got: "Ger ku DMME 3 sal berê biryar dabûya ev komkujî pêk nedihat. Mirov li jêrzemînên Cizîrê hatin şewitandin. Ev sûcê mirovahiyê ye. DMME jî bi vê biryarê bûye şirîkê vî sûcî. Biryara der barê Komkujiya Roboskê û der barê Rêberê PKK'ê Abdullah Ocalan de hat dayîn û ev biryar ji hev ne cûdatir in. DMME bi vê biryarê ji Tirkiye re got "Me ev komkujî qebûl kir. Tu dikare komkujiyên mezintir pêk bîne. DMME her ku diçe ji rol û mîsyona xwe dûr dikeve. Dibe perçeyê pergala qirêj ya AKP'ê. Em vê biryarê şermezar dikin û qebûl nakin."
ASLAN: DMME ŞIRÎKÊ ŞIRÎKÊ KOMKUJIYÊ YE
Dayika Hacer Heznî Aslan jî bertek nîşanî biryarê da û destnîşan kir ku DMME bi vê biryarê bûye şirîkê komkujyê. Aslan, da zanîn ku ger wîcdan û edalet hebûya dema zarokên wan hatin kuştin û şewitandin dê bertek û nerazîbûn nîşan dabûna û wiha got: "Her kesî dizanîbû ew mirov sivîl in. DMME bi vê biryarê bû şirîkê vî sûcî."