AMED – Îdîanameya der barê Midûra Nûçeyan a Jinnewsê Safiye Alagaş ku ji ber nûçe çêkiribûn bi îdiaya “propaganda rêxistinê kiriye" hatibû amadekirin, bi dosya ji heman sûcdarkirinê ya li 4’emîn Dadgeha Cezayên Giran a Amedê hatibû vekirin re kirin yek. 

 

2'emîn danişîna doza Midûra Nûçeyan a Ajansa Jin (Jinnews) ku li ser giliyê Saziya Teknolojiyên Agahiyan (BTK) a der barê nûçeyên ajansê de bi îdîaya "Propaganda rêxistinê kiriye" doz lê hatibû vekirin, li 4’emîn Dadgeha Cezayên Giran a Amedê hat dîtin. Di danişîna dozê de prz. Pirozhan Karali amade bû. Bi îdîaya di nûçeyên Jinnewsê de "Propagandaya rêxistinê" hatiye kirin li Dozgeriya Komarê ya Amedê gilî kiribûn. Ji ji ber ku Alagaş li Stenbolê bû, beşdar nebû.

 

ÎDÎANAMEYEK DIN AMADE KIRIN

 

Heyeta dadgehê diyar kir ku ji ber nuçeyên Jinnews’ê weşandine, Serdozgeriya Komarê ya Amedê di 16'ê Çile de bi îdîaya “propaganda rêxistinê kiriye" îdianameyek din amade kiriye û dosya hatiye amadekrin bi vê dosyayê re kirine yek. Heyete diyar kirku ev îdîaname tebligî Rojnameger Alagaş hatiye kirin.  Prz. Pirozhan Karali diyar kir ku ji ber vê dosyayê divê ji nûve îfadeya muwekila wê bê girtin. Karali, anî ziman ku muwekîlma wê bi heman sedemê li 4'emîn Dadgeha Cezayên Giran a Wanê hat darizandin û beraet kir û dê vê dosyaya beraetê pêşkêşî dadgehê bike.  Şandeya dadgehê 2 dosyayên Alagaş kirin yek û parêzer Pîrozhan Karali di parastina kir de xwest Alagaş parastin bike.   Dadgehê daxwaza Karali qebûl kirin û danişîn taloqî 23'ê Gulanê kir.