ŞIRNEX – HDP’ê li Şirnexê têkildarî 9 hezar zêdetir hilbijêrên nelirê ku bi piraniya wan ji esker û polîsan pêk tê îtîrazî Serokatiya Lîjneya Hilbijartina Şirnexê kir. Lîjneyê îtîrazê red kir.
Partiya Demokratîk a Gelan (HDP) ji bo hilbijêrên nelirê yên li Şirnex, navçe û bajarokan di rojên derbasbûyî de îtîrazî lîjneyên hilbijartinê kiribû. Bi piraniya van hilbijêrên ku ji polîs û eskeran pêk tê zêdetirî 9 hezar hilbijêrên sexte ne. 745 hilbijêrên ji sivîlan pêk tên tenê hatibûn jêbirin.
LÎJNEYA HILBIJARTIN QEBÛL KIR KU PIRANÎ POLÎS Û ESKER IN
HDP’ê têkildarî van hilbijêrên sextê serî li Lîjneya Hilbijartinê ya Bajêr da. Lîjneya Hilbijartina Şirnexê îtîraza HDP’ê nirxand û serlêdana têkildarî navenda Şirnex, navçeya Elkê, Basa, bajaroka Deşta Darê ya Hezexê, bajarokên Bêspîn û Tilqebîn yên Silopî, navenda Qileban û bajarokên girêdayî Qileban Hîlal û Sêgirk red kir.
Lîjneya Hilbijartinê ya Bajêr jî di biryara xwe de qebûl kir ku bi piraniya van hilbijêran ji polîs û eskeran pêk tê.