AMED - Çalakiya greva birçîbûnê ya Hevseroka KCD'ê Leyla Guven a li dijî tecridê di roja 83'an de berdewam dike. Hewldana Jinan a Navneteweyî ji bo piştgiriya Leyla Guven peyamek şandin û gotin: “Ji bo bala cemaweriyê bikişînin û ji bo hikûmeta we û Hikûmeta Tirk li hemberî daxwaza Leyla Guven û mafên Abdullah Ocalan hurmetê nîşan bide nameyan ji wan re bişînin."
Berxwedana greva birçîbûnê yên li dijî tecrîdkirina Rêberê PKK'ê Abdullah Ocalan ku di pêşengiya Hevseroka Kongreya Civaka Demokratîk (KCD) Leyla Guven de dest pê kiriye didome. Berxwedana Hevseroka KCD'ê Leyla Guven ku bi armanca tecrîdkirina Rêberê PKK'ê Abdullah Ocalan bi dawî bibe di 8'ê mijdarê de dest pê kiriye, di roja 83'yemîn de berdewam dike. Ji bo piştevaniya Hevseroka KCD'ê Leyla Guven, Hewldana Navneteweyî ya Jinan bi ser navê "Jiyana Leyla Guven rizgar bike" daxuyanî dan û peyam şandin. Hewldanê di daxuyaniyê de wiha got: "Em wekî Hewldanê; bang li Konseya Ewropa (KE), Komîteya Astengkirina Îşkenceyê ya Ewropa (CPT), Teşkîlata Hevkariyê û Ewlehiya Ewropa (THEE) û saziyên Ewropa dikin ku Yekitiya Ewropa (YE) li dijî rejîma otokratîk a Serokomar Recep Tayyip Erdogan têkeve nava tevgerê û erkên xweyên zagonî û polîtik pêk bînin.
'DIVÊ TECRÎDAI OCALAN BI DAWÎ BIBE'
Em wekî endamên Hewldana Navneteweyî ya Jinan, beşdarî daxuyaniya Hevseroka KCD'ê ya Leyla Guven ku di 7'ê mijdarê de ji bo tecrîdkirina Ocalan bi dawî bibe, dibin. Hêj Ewropa di milê civakî, aborî û çandî de li ser Tirkiye xwedî hikmekî mezin e. Saziyên Ewropa li dijî otoriteribûna Tirkiye, her çend rexne bike jî di warê çalakiyên bi bandor ên li ser hikûmeta Erdogan de gav neavêtine. Bi taybetî divê tecrîdkirina Rêberê Gelê Kurd Abdullah Ocalan û tecrîda li ser siyaseta Tirkiye tê ferz kirin bi dawî bibe. Em bang li hemû rêxistinên navneteweyî û hemû jinan dikin ku ji hikûmeta xwe bixwazin zextan li hikûmeta Tirkiye bikin. Em dixwazin ji bo Leyla Guven kampanyayê cîhanê pêş bixin, înîsiyatifan ava bikin û jiyana Leyla Guven xelas bikin. Çalakiya we dê li dijî rewşa kaotîk a meseleya kurd û rojhilata navîn ku Tirkiye lêgerina çareseriya aştiyane red dike, ji bo Leyla Guven bibe piştevanî. Ji kerema xwe re, ji bo bala cemaweriyê bikişînin û ji bo hikûmeta we û Hikûmeta Tirk li hemberî daxwaza Leyla Guven û mafên Abdullah Ocalan hurmetê nîşan bide nameyan ji wan re bişînin."