* Hêwirgeha Ernesto ku li Sûriyeyê di şert û mercên şerî de hat avakirin, wargeha heywanên nexweş, birçî û ji ber bombeberanê birîndar bûne. Her wiha zarok jî bi heywanan tên terapîkirin. Alessandra Abidîn, ji bo alîkariyê bang li heywanhez, komele û baytarên li Tirkiyeyê kir. 

 

* Rêveberê HDP'a Edeneyê Mehmet Kiran, diyar kir ku li Girtîgeha Tîpa F a Kurkçulerê gardiyan êrîşî wî kirine û gef lê xwarine. Kiran, destnîşan kir ku derûnas û bijîşk çûna qawîşên serbixwe li girtiyan ferz dikin. 

 

* Komeleya Mala Hunerê ya Degîrmenê, ligel xebatên xwe yên atolyeyên erbane, gîtar, tembûr, ney û bilûrê, plansaziya çalakiyên cuda jî dike. 

 

* Rojnamevan Seyît Evran, çalakiyên gelê Şêladizê nirxandin û got: "Gelê Başûr li dijî Seddam şer kir û Seddamê dîktator ji axa xwe qewirand. Wê ev rewş li dijî êrîşên tirk jî dewam bike û heta dagirkerî bi dawî nebe wê ev hêrs tim zîndî be." 

 

* Dayika Vezîfe Çelîk, zêdetirî 4 meh in li cenazeyê kurê xwe Tûgay Çelîkê HPG'î yê li Bêşebabê di bombeberana hewayî de jiyana xwe ji dest da, digere û got: "Ma qey wijdanê wan tune ye? hestiyên me jî nadin." 

 

* Bernameya meha sibatê ya Şa Performansê ya li Taksîma Stenbolê diyar bû. Bernameyek tije li benda hunerhez û wêjehezan e. 

 

* Rêxistina HDP'ê ya Êlihê dê dê li Heskif û Kerçewsê namzetên hevşaredariyê bide naskirin. (12.00)

 

* Şaxa ÎHD'ê ya Stenbolê bi armanca balê bikişîne ser tecrîdkirina Rêberê PKK'ê Abdullah Ocalan, dê li Postexaneya Sîrkecî dê nameyan ji Wezareta Dadê re bişîne. (12.30)

 

* Rêxisitna HDP'ê ya Şirnex dê bi bernameyekê namzetên xwe yên hevşaredaran bide naskirin. (13.00)

 

*  Înîsiyatifa Piştevaniya bi Zindanan re ya Marmara bi armanca balê bikişîne ser çalakiyên grevabirçîbûnê ya li girtîgehan ên li dijî  tecridkirina Rêberê PKK'ê Abdullah Ocalan û banga tevlêbûna mîtînga 3'ê Sibatê ya li Bakirkoyê pêk bînin, dê li avahiya Rêxistina DBP'ê ya Stenbolê ya li Aksarayê civînê pêk bîne. (13.00)