ENQERE - Fîlîz Kerestecîogku ya HDP’î, pêkanînên keyfî û ne hiqûqî yên li dijî endam û rêveberên HDP’ê bir rojeva Meclîs û diyar kir ku jin dibin çavan de bi zarokên xwe ve tên tehdîtkirin.
Parlementera Partiya Demokratîk a Gelan (HDP) ê ya Enqerê Fîlîz Kerestecîoglu, bi armanca pêkanînên keyfî û nehiqûqî yên li dijî endam û rêveberên partiya xwe bên lêkolînkirin û berpirs derbikevin holê, bi daxwaza Komîsyona Lêkolînê bê avakirin pêşniyara lêkolînê da Meclîsê.
Kerestecîoglu dî hînceta pêşnîyar lêkolîna de wiha got: “Piştî hewldana darbeya 15’ê Tîrmeha 2016’an, bi îlankirina OHAL’ê re operasyonên li ser Rêxistina me ya Enqerê bûne ji rêzê. Rêveber û endamên partiya me, di navbera demên cûda de tên binçavkirin û ev rewş li ser jiyana mirovan a rojane bandorek neyênî dike. Bi binçavkirin û pêkanînên keyfî tevlîbûna mirovan a siyasete tên asteng kirin û mafê mirovan tên îhlalkirin. Hin rêveberên me di vê pêvajoyê de ji carekê zêdetir hatine binçavkirin. Di demên dawî de endamên partiya me, bi lîsteyên hatine amadekirin, yek bi yek tên binçavkirin.”
‘JIN BI ZAROKÊN XWE VE TÊN TEHDÎTKIRIN’
Di dewama pêşniyar lêkolînê ev tişt hatin gotin: “Endamên me yên binçavkirin, rastî şert û mercên giran tên. Di vê pêvajoyê de kesên hatin binçavkirin bi rojan li Midûriyeta Enqerê hatin girtin. Di binçavkirinên herî dawî, jin kirin nezaretxaneyan û zilam jî bi hinceta cih tuneye, li DAIŞ’î û FETO’yan kirin salonekê sporê. Her çiqas tê îdîakirin ku îşkenceya fîzîkî nemaye, lê pêkanînên heyî ji înkeceyên fîzî xerabtirin. Dibin çavan de şalen endam û rêveberên me ji serê wan hatine xistin û xavikên tenik ji bo wan hatine dayîn. Dîsan jin bi zarokên xwe hatine tehdît kirin. Ji bo ku mûameleya xerab û qedexeya îşkeceyê bikevin bin ewlekariyê, divê qanûn erka xwe bîne cih û van pêkanînan lêkolîn bike. Ji bo ku ev pêkanînên keyfî û nehiqûqî yên li dijî endam û rêveberên partiya me bên lêkolînkirin û berpirs derbikevin holê, em dixwazin Komîsyona Lêkolînê bê avakirin.”