AMED - Parêzer Gulşen Ozbek ku piştî 6 rojan şûnde hevdîtin bi Hevseroka KCD'ê Leyla Guvenê hevdîtin çêkir got: "Rewşa tenduristiya Leyla Guven di asta krîtîk de ye." 

 

Li Girtîgeha Tîpa E ya Amedê, çalakiya greva birçîbûnê ya Hevseroka Kongreya Civaka Demokratîk (KCD) û Parlementera HDP'ê ya Colemêrgê Leyla Guven ku ji bo dawî li tecrîdkirina Rêberê PKK'ê Abdullah Ocalan bê da destpêkirin di roja 64'an de didome. Guven ji 4'ê Çileyê ve nikaribû hevdîtin bi parêzerên xwe re çêbike. Piştî 6 rojan şûnde parêzer Gulşen Ozbek duh bi şev hevdîtin bi Guvenê re çêkir û der barê rewşa tenduristiya Guvenê de agahî dan. 

 

NIKARE BI TENA SERÊ XWE BIMEŞE 

 

Ozbek, bilêv kir ku Guven ji qawîşê heta odeya hevdîtinê ya parêzer bi alîkariya kesekê bi zorê hatiye û tenê karibûne 10 deqîqeyan hevdîtinê bikin. Ozbek, diyar kir ku Guven pir zihîf bûye û got: "Ji bo hevdîtinê bi awayekî perîyodîk diçim û têm. Lê belê du min dît ku rewşa wê ya tenduristiyê ketiye asteke pir krîtîk. Nikare bi tena serê xwe bimeşe."

 

‘BI ZORÊ AVÊ VEDIXWE' 

 

Ozbek, anî ziman ku Guven bi zorê diaxive û bi zorê avê vedixwe û got: "Êdî nikare baş baixive. Di hevdîtina me ya 10 deqîqeyî de heman tişt dubare dikirin. Êdî hin tiştan ji bîr dike. Got ew bi zorê avê vedixwe. Heta niha hin tiştên avê vedixwar, lê belê niha bi zorê avê vedixwe. Her wiha prisgirêka wê ya bêxewiyê jî heye. Hema bêje nikare rakeve. Wexta tiştên avî vedixwe dilê wê dixele. Ji ber vê nikare tiştekî vexwe." 

 

‘DI ASTA KRÎTÎK DE YE' 

 

Ozbek, destnîşan kir ku Guven naxwaze bi pirsgirêkên xwe yên tenduristiyê di rojevê de be, tenê dixwaze daxwazên wê di rojevê de bin û got: "Em nikarin vê yekê piştguh bikin. Leyla Guven di warê tenduristiyê de di asteke pir krîtîk de ye. Nabiza wê di navbera 55-60, tansiyona wê di navbera 5-7'an de ye. Bijîşk hay ji cidiyeta rewê heye û ji bo vê li hewşa girtîgehê tim ambulans heye." 

 

MIDAXILEYA TIBBÎ QEBÛL NEKIR 

 

Ozbek, destnîşan kir ku bijîşkê girtîgehê ji bo rewşeke muhtemel belgeya bi îmze xwestiye, lê belê Guven ev yek qebûl nekiriye û got: "Leyla Guven got, qethiyen ew vê yekê qebûl nake û di rewşeke muhtemel de naxwaze tu kes mudaxileyî wê bike." 

 

Parêzer Ozbek, diyar kir ku daxwazên Guvenê hiqûqî ne û xwest Wezareta Dadê ji bo pêkanîan daxwazên Guvenê demildest tev bigere.