STENBOL - Meclîsa ÎSÎGê Rapora 2018'an aşkere kir. Meclîsê diyar kir ku di 2018'an de herî kêm hezar û 923 karkeran di cînayetên kar de jiyana xwe ji dest dane û wiha got: "Gelo di kijan şerî de me ew qas hevalên xwe winda kirine. Di serdema îktîdara AKP’ê de me 22 hezar û 500 karker di cînayetên kar de winda kirin. 

 

Meclîsa Ewlehiya Kar û Tenduristiya Karkeran (ÎSÎGM) rapora 2018'an açşeker kir. Li gorî raporê di 2018'an de li 81 bajarên Tirkiye 119 jin û Hezar û 804 mêr bi giştî Hezar û 923 karkeran di cînayetên kar de ji yana xwe ji dest dane. Di raporê de hat diyar kirin ku bi giştî 67 zarokan jiyana  xwe ji dest dane. Li gorî mehan cînayetên kar wiha ne: Di Çile de herî kêm 144 karker, di Sibatê de 128, di  Adarê de 130, di Nîsanê de 189, di Gulanê de 169, di Hezîranê de 151, di Tîrmehê de 201, di Tebaxê de 185, di Îlonê de 167, di Cotmehê de 179, di Mijdarê de 155 û di Kanûnê de jî herî kêm 126 karkeran ji yana xwe ji dest dan. 

 

DAXWAZÊN ÎSÎGM'Ê: 

 

"* Karkerên ku jiyana xwe ji dest dan ji sedî 98 ne endamên sendîkayî ne. Divê êdî hemû karker bi sendîsayî bin. Divê dawî li bêsendîkatiyê bînin. 

 

* Divê karker li cihê kar li gorî pîvan û zagonên kar xebatê bikin û di satên zêde de karên cuda nekin. 

 

* Divê patron û karsazen ji cînayetên kar berpirsiyar bên darizandin. 

 

* Divê nexweşiya karkeran neyê veşartin û ger ku nexweşiyên wan hebin bên parvekirin. 

 

* Divê heqê herî kêm zêde bikin û êdî karker ji kar neyên avêtin. 

 

* Di 2018'an de 67 zarokan di qezayên kar de jiyana xwe ji dest dan. Divê dawî li karkeriya zarokan bînin. 

 

* Her sal 120-130 jin di cînayetên kar de jiyana xwe ji dest didin. Divê ji bo jinan qada kar bê vekirin û penaseya wê bê kirin. 

 

* Divê ewlehiya karkerên penaber û koçber bê parastin û ewlehiya wan bê stendin. "