* Bijîşk Huseyîn Yavîç, diyar kir ku bi sar û seqemê re nexweşînên di warê hilmijînê de zêde bûne. Yavîç, destnîşan kir ku divê dema hewa qirêjî be kes dernekeve derve û tiştên avî zêde bên xwarin û vexwarin.
* Dadgehê polîsê bi navê Î.M. yê ji wesayîta zirxî çek berda û 4 kes kuştin parast. Dadgehê di biryara xwe de polîs Î.M. bi hinceta "ji ber xeşîm bûye", "ji ber zor û zehmetiya mercên kar", "ji ber nesnaskirina herêmê" û "ji ber westiya bûye" parast.
* Şaredariya Mezin a Mereşê ya AKP'î ji bo îstasyona petrolê bê çêkirin beşek ersa goristanê firot. Serokê CHP'a Navçeya Onîkîşûbatê Unal Ateş bertek nîşanî vê yekê da û got: "Çav berdan axa miriyan jî."
* Dayikên AŞtiyê destnîşan kirin ku navnîşana aştiyê Rêberê PKK'ê Abdullah Ocalan e û girtî bi çalakiya xwe ya birçîbûnê îşaret bi rêya aştiyê dikin.
* Bijîşk Zekî Gul, ji bo astengkirina mafê tedawîkirina girtiyên di greva birçîbûnê de got ev îşkenceyeke ku berbelavî demê tê kirin. Gul, destnîşan kir ku ji bo şopandina grevên birçîbûnê divê wekî salên berê heyetên ji bijîşkên serbixwe pêk tên bên çêkirin.
* Li Gundê Xerebeya Gura yê navçeya Wêranşarê ji ber li ser Çemê Kazgolê pir nehatiye çêkirin, zivistanê gundî nikarin biçin wî aliyê gund.
* Halîme Saglam, dayika Zafer Saglam ku li Girtîgeha Tîpa L a Jimare 5'an a Sîlîvriyê di greva birçîbûnê ya bêdem û bêdorveger deye, diyar kir ku kurê wê jê re gotiye: "Me meşaleya xw epêxist. Bila herkes zanibe, heta daxwazên me neyên qebûlkirin wêê ev meşale neyê tefandin."
* Li Wanê nûnerê partiyên siyasî û STK'yan bal kişandin ser çalakiya greva birçîbûnê ya Hevseroka KCD'ê Leyla Guvenê û gotin: "Hikûmet xwe li bêdengiyê datîne. Berî ku mirin çêbibin divê guh bidin greva birçîbûnê."
* Dozger xwest 15 sal ceza li rojnamevan Esra Solîn Dal bê birîn. Di doza hat vekirin de, randevuyên ji bo çavakniyên nûçeyan wekî "fealiyetên rêxistinê", "Bi awayekî giran tawanbarkirina TSK'ê" û "rojnamevaniya li dijî dewletê" wekî sûc hatin hesibandin.
* Parlementerê HDP’ê yê Edenê Kemal Pekoz, diyar kir ku desthilatdariya ji partî û beşên mûxalîf ditirse, berî hilbijartinê zextên xwe zêde kirin. Pekoz, anî ziman ku ger mûxalîf di hilbijartinê de bi ser bikeve, pergala heyî dê têk biçe û got: “Ji bo ku Tifaqa Cûmhûr winda bike, divê hêzên mûxalîf hevkariyê bikin.”
* Baroya Amedê, ji bo kujer û berpirsên Tahir Elçî bên dîtin dê di hefteya 157’an de çalakiya xwe li ber Edliyeya Amedê berdewam bike. (13.30)
* Şaxa Komeleya Mafên Mirova (ÎHD) a Wanê, dê rapora xwe ya der barê binpêkirinên mafên mirovan ên di sala 2018'an li Wanê qewimîn de eşkere bike. (13.30)