ŞIRNEX - Dosyeya lêpirsînê ya der barê peywirdarê tenduristiyê Abdulazîz Yûral ku di dema qedexeya derketina derve ya li Cizîrê de hta kuştin, piştî 3 salan şûnde "biryara lêgerîna daîmî" hat dayîn. 

 

Li navçeya Cizîrê ya Şirnexê, peywirdarê tenduristiyê Abdulazîz Yûral di dema qedexeya derketina derve de dema xwest jiniha ji lingê xwe birîndar bûye bigire hat kuştin. 3 sal derbas bûn lê belê wekî kesên din kiryarên wî jî nehatin dîtin. 

 

Serdozgeriya Komarê ya Cizîrê der barê dosyeya lêpirsînê ya Yûral de biryara "nepeywirdariyê" dabû û dosye ji Serdozgeriya Komarê ya Şirnexê re şandibû. Di dosyeya lêpirsînê de dozgeriyê diyar kiribû di lêkolîna li ser bedena Yûral de leqayî bermayiyên guleyan nehatiye û îdia kiribû ku Yûral li ser hesabê xwe yê medyaya civakî "propagandaya rêxistinê" kiriye. Her wiha li gor îfadeyên şahidin nepen hatibû derpêşkirin ku Yûral "endamê rêxistinê" û hatibû xwestin der barê dosyeyê de biryara "neşopandinê" bê dayîn. 

 

Lê belê Serdozgeriya Komarê ya Şirnexê jî der barê lêpirsîna ji bo mirina Yûral de "biryara lêgerîna daîmî" da. Dozgeriyê di biryara xwe de got: "Di bedeba maktûl de qulên şûna guleyan hene, lê belê di canê wî de tu gule nehatine dîtin. Loma nehatiye tespîtkirin di çarçoveya operasyonan de ji aliyê hêzên dewletê ve an ji aliyê kesên din ve hatiye kuştin." 

 

Di biryarê de hat diyarkirin ku dema demborîbûnê 25 sal e yanî heta 30'yê Kanûna 2040'an e. 

 

PARÊZERAN ÎTIRAZ KIR

 

Parêzerên malbata Yûral, ji bo biryara der barê dosyeyê d ehatiye dayîn bê betalkirin daxwazname ji dozgeriyê re şandin. Di daxwaznameyê de hat xwestin ku kiryar bên dîtin û cezakirin. Parêzeran di daxwazanemyê de destnîşan kirin ku lêpirsîna heyî bi awayekî çalak nehatiye kirin. Parêzeran di serlêdana xwe de bi bîr xistin ku rapora cihê bûyerê, qeydên bêtêlê yên dema bûyerê û piştî bûyerê, dîmenên heyî daxilî lêpirsînê nehatine kirin.