* Mêrsîniyan bilêv kir ku êdî ji ber bihabûna tiştan û krîza aborî ew dest vala ji bazarê vedigerin.
* Li Mêrsînê di salekê de 11 caran polîsan avêt ser mala Mehmet Hazara. Hazar, diyar kir ku di her seravêtinê de deriyê mala wî hatiye şikandin û ev yek di warê derûnî de bandoreke neyînî li malbata wî dike. Hazar xwest raya giştî dengê wan bibihîze.
* Hevseroka HDP'ê ya Stenbolê Esengul Demîr, diyar kir ku kesên ji bo bernamzetiyê ya hilbijartina herêmî li Stenbolê serî li wan dane piranî jê jin û karker in û got: "Divê Stenbolê bê xelaskirin û ji nû ve bê avakirin. Ji bo vê jî çi bikeve ser milê me divê em bikin."
* Dayikên Aştiyê bal kişandin ser çalakiya greva birçîbûnê ya Hevseroka KCD'ê Leyla Guvenê ku ji bo dawî li tecrdkirina Rêberê PKK'ê Abdullah Ocalan bê 53 roj in di grevê de ye. Dayikên Aştiyê bang li herkesî kirin ku bibin dengê Guvenê û girtiyên siyasî.
* Parlementerê HDP'ê yê Rihayê Omer Ocalan, ji bo çalakiya greva birçîbûnê ya girtiyan bang kir û got AYM'ê bi biryara dayî tescîl kiriye ku li Girtîgeha Îmraliyê hiqûqeke taybet heye.
* Kovara Komunê bi hejmara xwe ya ewil di sala nû de bigihê ber destê xwînerên xwe.
* Li Dîlokê dayika 2 zarokan Sema Ozbûdak (38) piştî dev ji hevjînê xwe berda, hevjînê wê tim gef lê dixwarin û ji bo vê serî li emniyetê û dozgeriyê da. Lê belê dîsa jî Ozbûdak nehat parastin. Ozbûdak bertek nîşanî vê yekê da û got: "Ma gere ez bimirim?"
* Girtiyê nexweş Îbrahîm Akbaba yê 70 salî yê dema ji Girtîgeha Tîpa F a Edîrneyê bi SEGBÎS'ê beşdarî danişîna doza xwe ya li Mêrdînê bû de krîza dil derbas kir û jiyana xwe ji dest da. Piştî Akbaba jiyana xwe ji dest da û şûnde dadgahê biryara berdewana wî da.
* Dosyeya lêpirsînê ya der barê peywirdarê tenduristiyê Abdulazîz Yûral ku di dema qedexeya derketina derve ya li Cizîrê de hta kuştin, piştî 3 salan şûnde "biryara lêgerîna daîmî" hat dayîn.
* Li Tirkiye di sala 2018'an de li Dersîm, Amed, Mêrdîn di operasyonên eskerî de daristan hatin şewitandin. Li herêma Marmara, Ege û Derya Spî jî ji aliyê sermayedaran ve daristan hatin şewitandin. Gelek projeyên HES, RES û Santralên Nukleerê ketin meriyetê. Ekolojîst Erol Çirak, diyar kir ku li Tirkiye rêveberiya ku xwezayê pêşkêşî sermayedaran dike welat bi rêve dibe. Çirak, anî ziman ku heta ev feraset hebe dê di sala 2019'an jî talankirina xwezayê bidome.
* Xebatkarê tenduristiyê Abdulazîz Yûral ê di qedexeya derketina kolanan a li navçeya Cizîrê ya Şirnexê de jiyana xwe ji dest da, 3'yemîn salvegera kuştina xwe de li ser gora xwe ya navçeyê bê bibîranîn. Li Endamên SES'ê yên Wanê jî, dê kedkarên tenduristiyê yên li Cizîr û Elkê hatin kuştin, bi bîr bînin. (10-30- 13.00)
* Hevserokê Giştî yê HDP'ê Sezaî Temellî û şandeya pêre, berî hilbijartina herêmî dê di çarçoveya geşta Herêma Egeyê de, bi şîara "Ji bo demokrasiya herêmî hevdîtina bi gel re' li navçeyên Bodrum û Mîlas ên Mûglayê bi gel re bên gelhev. (14.00-19.00)
* Karkerên Balafirgeha 3'yemîn, ji bo ku tecrûbeyên xwe yên têkoşînê parve bikin, dê li Şaxa Egîtim Senê ya Kadîkoyê panelekê li dar bixin. (13.00)