NAVENDA NÛÇEYAN – Endam û rêveberên Komeleya Mafên Mirovan (ÎHD) yên Edene, Enqere û Îzmirê di dawiya salê de bal kişandin ser rewşa girtiyên nexweş û xwestin girtiyên nexweş serbest bên berdan.
Endam û Rêveberên Komeleya Mafên Mirovan (ÎHD) yên Edene, Enqere û Îzmîrê û xizmên girtiyên nexweş di hefteya dawî ya sala 2018'an de, li Edene, Îzmîr û Enqereyê dîsa bal kişandin ser rewşa girtiyên nexweş û xwestin girtiyên nexweş bên dermankirin û serbest bên berdan.
EDENE
Şaxa ÎHD'ê ya Edeneyê û xizmên girtiyên nexweş li Parka Înonu daxuyanî dan û bal kişandin ser rewşa Abdulkadîr Baybars ê li Girtîgeha tîpa T a Hêjmar 2 a Osmaniye. Endam û rêveberên DBP'ê, endam û rêveberên TUAYDER'ê, xizmên girtiyê nexweş amade bûn. Komê li parkê pankarta "Ji Girtiyê Nexweş Abdulkadir Baybars re azadî" vekirin û dowîzên “Ji girtiyê nexweş Abdulkadir Baybars re azadî" rakirin. Girsê bê navber dirûşmeyên “Bila girtiyên nexweş bên berdan" berz kirin.
Endamê Komîsyona Girtiyên Nexweş ê Şaxa ÎHD'ê ya Edeneyê Nejat Okay daxuyanî da û bal kişand ser Îbrahim Akbaba. Okay, anî ziman ku ji bo êdî girtî li girtîgehan jiyana xwe ji dest nedin xwest hemû girtiyên nexweş bên berdan. Okay, anî ziman ku yek ji girtiyê nexweş Abdulkadir Baybars e û wiha got: "Baybars piştî qedexeya kolanan a li Nibêbînê hat girtin. Ji ser dilê xwe birîndar bûye û perçeyê şerepnalê heye. 7 mehin di yek hucerê de tê girtin. Mafê Baybars ê tenduristiyê tê asteng kirin. Her dem rastî neheqiyê tê. Divê bi lez bê emeliyatkirin û di şertên baş de bê tedawîkirin. Bi tena serê xwe nikare pêdiviyên xwe temîn bike. Di stendina nefesê de jî zahmetiyê dijî. Divê demek beriya demekê tedawî bibe û bê azadkirin."
ENQERE
Li Enqereyê jî Înîsiyatifa Ji Girtiyên Nexweş re Azadî li pêş avahiya Şaxa ÎHD'ê ya Enqereyê daxuyanî dan û bal kişandnin ser rewşa Emîn Guler ê li Girtîgeha Tîpa T a Hêjmar 2 a Rihayê. Parazvanên mafên mirovan jî piştgirî dan çalakiyê. Endama Lijneya Rêveber a Navendî ya ÎHD'ê Nuray Çevirmen daxuyanî da. Çevîrmen jî bal kişand ser Îbrahîm Akbaba yê li Girtîgeha Tîpa F a Edirne krîza dil derbas kir û jiyana xwe ji dest da.
Çevirmen, anî ziman ku li Tirkiye mirov tên tecrîdkirin û yek ji pirsgirêkên herî mezin jî rewşa girtiyên nexweş e. Çevîrmen, bal kişand ser rewşa Emin Guler a nexweş û wiha got: "Beriya bê girtin movika pîşta wê ya C-5 ji ber zerar dîtibû, tedawiya fîzîkî didît. Ji sedî 92 asteng dar e. Ji bo girtiyên neşweş bên dermankirin tu tuşt nayên kirin. Divê girtiyên nexweş bên dermankirin û serbest bên berdan.
ÎZMÎR
Şaxa ÎHD'ê ya ÎZmirê û xizmên girtiyên nexweş jî bi heman armancê di hefteya 462’an de çalakiya xwe berdewam kirin. ÎHD'ê bal kişand ser rewşa 5 girtiyên nexweş. Sekreterê şaxa ÎHD'ê Ahmet Çiçek daxuyanî da.
Çîçek diyar kir ku Omer Mutlu li Girtîgeha Tîpa T4 a Şakranê, Îbrahim Yagiz Kiriklar li Girtîgeha Tîpa F1, Ferdi Tayfur li Girtîgeha tîpa F1 Kiriklarê, Şiyar Aydemir li Girtîgeha tîpa T a Odemişê, Fırat Yagmakan li Girtîgeha tîpa F-2 a Kirıklarê neşweşin û xwest girtiyên nexweş bên berdan.