*  Saziya Tiba Edlî der barê mirina Kemal Kûrkût ku polîsan ew kuşt de rapor amade kir û derpêş kir ku Kûrkût bi guleya pêşî li erdê ketiye û paşê li canê wî ketiye miriye. 

 

* Piştî şerê navxweyî yê li Sûriyeyê dest pê kir, di rojên destpêkê yên şer de bi piştevaniya gel OSO'yî ji Serêkaniyê hatibûn derxistin. Bi vê re ewlehî û aramiyek li Serêkaniya Rihayê ya wî aliyê Serêkaniya Rojavayê ye peyda bibû. Berî OSO'yiyên talanker bên derxistin li Serêkaniya Rihayê  sivîl kuştibûn û bi dehan kes jî birîndar kiribûn. 

 

* Alî Işikê bi meaşê kêmtirîn debara malbata xwe dike, diyar kir ku her meh 900 lîreyê meaşê xwe dide heqê kirê û ji ber vê tim deyndar e. Işik got: "Dinya sar bûye. Zarok nexweş in. Ji bo derman bikirim çûm dermanxaneyê. Heqê dermana 7 lîre girt, lê min nikaribû bide." 

 

* Hevserokê DBP'a Amedê Îbrahîm Çîçek, bêdengiya hikûmetê ya ji bo çalakiya greva birçîbûnê ya Hevseroka KCD'ê Leyla Guvenê rexne kir û çalakiyên greva birçîbûnê yên di sala 2012'an de bi bîr xist. Çîçek got: "Em di destpêka pêvajoya 2012'an de ne. Divê îro Birêz Ocalan rola xwe bilîze. Ji bo vê jî divê dawî li tecrîdê bê."

 

* Yek ji mexdûrê “Operasyona vegera jiyanê” ya 19’ê Kanûnê Bekîr Sitki Keçecî got: “Divê kes ji çalakiyên li girtîgehan ên greva birçîbûnê re bêdeng nemîne. Her kesê dibêje ez mirov im lazime xwedî li vê xeta berxwedanê derkeve.”  

 

* Piştî qeyûm tayînî Şaredariya Êlihê hatibû kirin Sînemaya Yilmaz GUney girtibû û paşê agir bi sînemayê ketibû. Derhênerên sînemayê ji ber sînema ji nû ve nehat çêkirin bertek nîşan dan û gotin: "Gel doza sînemaya xwe dike. Tiştên qewimîn nîşan dide ku hîn jî ji navê Yilmaz Guney ditirsin." 

 

* Şêniyên bajaroka Asarlik a Menemena Îzmirê diyar kir ku di sala 1999'an de HADEP'ê çawa şaredariya Bajarokê qezenç kir, dê HDP jî di hilbijartina 31'ê ya Rêveberiya Herêmî de li vir qezenç bike. 

 

* Nûnerê DÎSK'ê yê Herêma Dîlokê Alî Guducu, destnîşan kir ku kesên hezar û 603 lîre meaşê kêmtirîn distînin ji bo nemirin li ber xwe didin. Guducu, got ji bo bêhna karkeran derkeve divê meaşê kêmtirîn herî kêm bibe 2 hezar û 800 lîre. 

 

* Komîsyona Girtîgehan ku bi armanca binpêkirina mafên mirovan ên li girtîgehê bişopîne hat avakirin dê li avahiya Rêxistina DBP'ê ya Aksarayê avakirina xwe îlan bike. (12.00)

 

* Platforma Hiqûknasên Azad (OHP) ya Stenbolê dê binpêkirina mafan a Girtîgehan a 3 mehan û der barê greva birçîbûnê ya li dijî tecrîdkirina Rêberê PKK'ê Abdullah Ocalan, li avahiya Şaxa ÎHD'ê ya Stenbolê aşkere bikin. (12.00)

 

* Şaxên ÎHD'ê ya Amedê dê bi minasebeta salvegera 19'ê Kanûnê ya di operasyona "Vegera Jiyanê" de li dijî girtiyan pêk anîn û gelek girtiyan jiyana xwe ji dest dan, li komeleya xwe çapemeniyê pêk bîne. (12.00)

 Bi heman armancê Şaxa ÎHD'ê ya Stenbolê jî dê li ber Girtigeha Umraniyê daxuyaniyê bide çapemeniyê. Şaxa ÎHD'ê ya Îzmirê jî dê bi heman armancê li avahiya xwe daxuyaniyê bide çapemeniyê. (13.00) 

 

* Malbat û nûnerên rêxistinên demokratîk dê Dayika Taybet Înan a 57 salî ku li Kolana Sîlopiyê hat kuştin û 7 rojan cenazeyê wê li erdê ma, li cihê lê jiyana xwe ji dest da bibîr bînin. (12.00) 

 

* Hevserokê Giştî yê HDP'ê Sezai Temellî di gera xwe ya îro de, dê li Navçeya Erdîşê ya Wanê û navenda Wanê bi gel re bê cem hev. (10.00- 17.20)

 

 

* Koma Banga Demokrasiyê ya Dîlokê û Komeleya Fikra Azad dê bi hevre daxuyaniyê bidin çapemeniyê û armanca xwe bi raya giştî re parve bikin. (14.00) 

 

* 9'emîn Danişîna doza Hevşaredara Dersîmê Nurhayat Altun, dê li 1’emîn Dadgeha Cezayên Giran a Tunceli be dîtin. (14.00)