MÊRSÎN – Pirtûka Hevşaredar Bajarê Mezin a Amedê Gultan Kişanak ku li girtîgehê nivîsan a “Di siyaseta Kurd de Rengê Jinê yê Xemrî" li Mêrsînê gihişyt xwînerê xwe. 

 

Rêxistina Partiya Demokratîk a Gelan (HDP) ya Mêrsînê, ji bo pirtûka “Di siyaseta Kurd de Rengê Jinê yê Xemrî" ya ku Hevşaredara Bajarê Mezin a Amedê Gultan Kişanak ku qeyûm tayînî şûna wê hat kirin û niha li girtîgehê tê darizandin, roja îmzeyan pêk anî. HDP'ê li Fanzine Cafe bernameya gotûbêjê ji bo pirtûkê amade kir. Di bernameyê de Hevşaredara Akdenizê Yuksel Mutlu ku ji peywirê hatiye dûrxistin pêşkêşî kir. Dîsa parlamentera HDP'ê ya Edeneyê Tulay Hatimogullari û Nivîskar û lêkolîner Kayuş  Çalışkman Gavrilof beşdarî bernameyê bû. Yuksel Mutlu, diyar kir ku ew dê têkoşîna jinên girtî li derve pêş bixin û wiha got: "Ev têkoşîn nîşan dide ku jin tu carî serî natewînin. Nîşan dide ku tekoşîna azadiyê çiqas girîng e. Ev têkoşîn dê bidome." 

 

Nivîskar û Lêkolîner Kayuş Çalışkman Gavrilof jî anî ziman ku jina kurd hem têkoşîna zayendi û hem jî têkoşîna azadiyê dide û wiha got: "Jin tevî hemû zext û astengiya têkoşîna azadiye dide. Divê her kes vê berhemê bixwîne. 

 

Parlamentera HDP'ê ya Edeneyê Tulay Hatimogulari jî wiha got: “Gultan gotibû 'Ez çîroka xwe nanivîsim. Ez têkoşîna hemû jinên li ser vê axê dinivîsim' Ez di nava pirtûka Sakine Cansız a ‘Jiyana min her dem şer bû" û vê pirtûkê de wekheviyekê dibînim. Sara jiyana xwe parve kiriye. Gultan jî cereeyên jinan parve kiriye. Têkoşîna mezin a Tevgera Jina Kurd a li dijî feodalizmê iro xwe gîhandiye rêxistinên girseyî û bi encam buye. 

 

Îro mafê ku jinan bi dest xistiye qeyûm desteser dike. Em dê van mafên xwe dîsa paşve bistînin. 

 

Gotûbêş bi îmzeya pirtukan a Hatimogulları, Gavrilof û Mutlu Kışanak berdewam kir.