* Li Gundê Xumar ê Navçeya Şaxê dayika 58 salî Hubat Boykan, bi tena serê xwe çanda hezaran salan li ser pişta teşiyê dirêse û derbasî pêşerojê dike. Hubat Boykan, bi sebrek mezin hiriyê şeh dike, dirêse û bi tevnê mahfûr, xalîçe û terikan çêdike. 

 

* Li Navçeya Saruhan a Manîsayê Jinên karker ên çandiniyê ku di nava zeviyan de kar dikin, bi keda zêde û heqê kêm kar dikin. Jinan diyar kirin ku ji hemû mafê xwe yê karkeran dûr in û her tişt zem dibe, lê heqê keda wan zêde nabe. Jinan anîn ziman ku êdî rewşa wan karê nanozikê jî derbas kiriye. 

 

* Li Girtîgeha Tîpa F a Bolu, girtiyê nexweş Rıdvan Taniş ku dermankirina bi kelepçe qebûl nekir nehat dermankirin. Taniş, anî ziman ku salek e diranê wî xwîn dibe her dem tedawiya wî taloq dike. Taniş, destnişan kir ku dixwazin wî bi kelepçe tedawî bikin û ew jî vê yekê taloq dike. 

 

* Parlamenterê CHP'ê Prz. Sezgîn Tanrikulu, bal kişand ser helwesta Serokomar Recep Tayyip Erdogan a der barê hilbijartinên rêveberiyên herêmî û wiha got: "Hêj hilbijrtin pêk nehatiye Erdogan gelê herêmê bi qeyûman tehdît dike. Lê gel tu car qeyûm qebûl nekiriye. 

 

* Li navçeya Artemêtê ya Wanê, Gola Koşkê ku 30 sal berê di encama zêdebûna ava Gola Wane de, ji ava zêde ava bû, niha ji bo gelek masî û cureyên çûkan malonvaniyê dike û buye wargeh. 

 

* Danişîna doza Hevseroka Giştî ya HDP’ê ya berê Fîgen Yuksekdag, dê sibê li Dadgeha Cezayê Giran a 16’emîn a Enqerê bê dîtin. (10.00)

 

* 68'emîn danişîna doza kuştina Gerînendeyê Giştî yê Rojnameya Agosê û rojnameger Hrant Dink dê li 14'emîn Dadgeha Cezayên Giran a  Stenbolê be dîtin. (10.00) 

 

* Şaxa ÎHD'ê ya Êlihê ji bo balê bikişîne ser tenduristiya girtiyê nexweş Mehmet Selîm Atli  dê li avahiya ÎHD'ê daxuyaniyê bidin çapemeniyê. (12.00)

 

* Cenazeyê Siyasetmedarê kurd Îbrahim Ayhan dê li navçeya sîwerege ya Rihaye bi griseyî bê defin kirin. (13.00)