* Hevseroka Giştî ya HDP'ê Pervîn Bûldan bertek nîşanî daxuyaniyên Wezîrê Karên Navxweyî Suleyman Soylû û got: "Me qet ew qad îstismar nekir. Me tu kesî nexapand. Ên tên îstismarkirin û xapandin em in. Sozên hatin dayîn bi cih neanîn." 

 

* KÎHEP ku bi dirûşmeya "Hay ji mafên xwe hebin, bila neheqî li we neyê kirin" tev geriya, niha li Mêrsînê amadekariyên serdema duyemîn dike. Endama Kolektîfa Keda Jinê ya Mêrsînê û perwerdekara KÎHEP'ê Ozge Goncu got: "Li hemberî polîtîkayên paşverû yên jinan nahesibînin em ê bi perwerdekirina jinan bitêkoşin." 

 

* Rojnamevan Erdogan Alayûmat ku tevî Apê Koçer (Koçer Ozdal) ku li Nexweşxaneya Nimûne ya Enqereyê dest û piyên wî kelemçekirî bûn dihat tedawîkirin û mir di girtîgehê de ma, behsa Ozdal kir. Alayûmat got: "Di hucreyê de jî em kêfxweş dikirin."

 

* Pisporê Rojhilata Navîn Musa Ozugurlu, bal kişand ser niqaşên operasyonek eskerî ya pêkan û helwesta Tirkiye û diyar kir ku ji bilî rewşa kurdan tiştek Tirkiye eleqeder nake û wiha got: "Tenê fikara Tirkiye kurd in. Êdî tu derdê Tirkiye ku Esad tek bibin û li Mizgefta Emeviyan nibêj bikin tune ye. Tenê itîraza Tirkiye ya li Sûriye hebûna kurdan e." 

 

* Ji parlementerên HDP'ê Garo Paylan ku di çalakiya hefteya 700'emîn a Dayikên Şemiyê de nehişt polîs Arat Dînk binçav bikin got: "Li wir ez ne Garo Paylan bûm. Em hemû neferên wê têkoşînê bûn û em li dor hev bûn xelek û ji bo hevalên me neyên binçavkirin em têkoşiyan." 

 

* Huseyîn Ocak, kekê Hasan Ocak ku Wezîrê Karên Navxweyî Suleyman Soylû der barê wî de daxuyanî dabû, bersiva daxuyaniya Soylû da û got: "Lêkolînên li cihê bûyerê, delîlên hatine berhevkirin nîşan dide ku kî kiriye. herî zêde delîl di doza Hasan Ocak de hene. Dadgehkirin jî didome." 

 

* Jinên li taxa Kaynartepe ya Navçeya Rezan a Amedê dijîn, bal kişandin ser krîza aborî û diyar kirin ku krîza aborî bandorek neyînî li ser jiyana wan dike. Jinan da zanîn ku ciwanên wan ji ber xizanî û betaliyê fêrî tiryakê dibin û sedema vê yekê Tayyip Erdogan e. 

 

* Cenazeyê girtiyê siyasî Koçer Ozdal ê 65 salî ku tevî destkelepçekirî jiyana xwe ji dest da dê li Gimgima Mûşê defin bikin. 

 

* Danişîna doza Hevserokê Giştî yê HDP'ê yê berê Selahattin Demirtaş ku girtî tê darizandin dê li 19'emîn Dadgeha Cezayên Giran a Enqereyê bê dîtin. (10.00)

 

* 6'emîn danişîna doza komkujiya 33 ciwanên li Navenda Çanda Amara ya Pirsûsê hatin qetilkirin dê li 5'emin Dadgeha Cezayên Giran a Hilwanê bê dîtin. (10.00) 

 

* Komîsyona Edalet û Heqîqetê ya Şaxa ÎHD'ê ya Stenbolê dê di meha 80'ê min de li Qada Galatasarayê daxuyaniyê bidin çapemeniyê. (18.30) 

 

*  Heyeta HDP'ê ku di navde parlamenter jî hene bi armanca li qada şewata daristanan lêkolîn bikin çûn Dersimê. Piştî lêkolînê dê daxuyaniyê bidin çapemeniyê. (11.00-19.00)