5'emîn danişîna doza cînayeta 11 zarokên li Wargeha Xwendekaran a Suleymaniyan di şewatê de jiyana xwe ji dest dan li Dadgeha Cezayên Giran a Kozanê hat dîtin. Beriya danişînê malbatên zarokan li pêş edliyê daxuyanî dan. Ji ber ku di danişînê berê de ji 6 bersûcan 4 bersûc hatin berdan, malbatan bertekên xwe anîn ziman. Piştî bûyerê ji ber dosyaya Midûrê Wargehê Cumali Genç û Serokê Komeleya Alîkariya Xwendekarên Dibistan û Qursa Aladagê Îsmail Ugur jî li dosyaya din zêde kirin hêjmara bersûcên cînayete derket 14’an. 

 

Endamên malbatê û endamên Komeleya Mafên Civakî (SHD) û gelek kesên din tev li danişînê bûn. Malbat li ber Odeya Bazirganiyê ya Kozanê kom bûn û li vir daxuyanî dan çapemeniyê. Parêzerê SHD'ê Can Atalay, diyar kir ku ew li bersîva pirsek hêzan digerin û berdana 4 bersûcan şermezar kir. 

 

CANÊ VAN ZAROKAN EW QAS HÊSAN E? 

 

Malbatan jî bertek nîşanî berdana 4 bersûcan dan û gotin "Ma canê zarokên me ew qas erzan e?  Gelo ew dozger û ew dadger dikarin bi hêsanî razên? 

Piştî daxuyaniyê malbatên ku xwestin têkevin salonê bi hinceta ewlehiyê destûr nedan. Danişêne dest pê kir. 

 

Malbatên zarokên jiyana xwe ji dest dan, parêzer û û parêzerê SHD'ê piştî niqaşan derbasî salonê bûn û tev li danişînê bûn. Dîsa parlamentera CHP'ê ya Edeneyê Elif Dogan Türkmen û gelek kesên din jî tev li danişînê bûn.