
Danişîna Aladagê dest pê kir: Ew dozger û dadger çiqas bi aramî radizên? 

2018-02-26 11:31:35


	EDENE - 5'emîn danişîna doza facîaya Aladagê dest pê kir. Malbatan berî danişînê daxuyanî dan û berdana 4 bersûcan şermezar kirin. Malbatan got "Gelo canê zarokan ew qas hêsan e? Ew dozger û dadger çiqas bi aramî dikarin razên?"&nbsp;

	5'emîn danişîna doza cînayeta 11 zarokên li Wargeha Xwendekaran a Suleymaniyan di şewatê de jiyana xwe ji dest dan li Dadgeha Cezayên Giran a Kozanê hat dîtin. Beriya danişînê malbatên zarokan li pêş edliyê daxuyanî dan. Ji ber ku di danişînê berê de ji 6 bersûcan 4 bersûc hatin berdan, malbatan bertekên xwe anîn ziman. Piştî bûyerê ji ber dosyaya Midûrê Wargehê Cumali Genç û Serokê Komeleya Alîkariya Xwendekarên Dibistan û Qursa Aladagê Îsmail Ugur jî li dosyaya din zêde kirin hêjmara bersûcên cînayete derket 14’an.&nbsp;

	&nbsp;

	Endamên malbatê û endamên Komeleya Mafên Civakî (SHD) û gelek kesên din tev li danişînê bûn. Malbat li ber Odeya Bazirganiyê ya Kozanê kom bûn û li vir daxuyanî dan çapemeniyê. Parêzerê SHD'ê Can Atalay, diyar kir ku ew li bersîva pirsek hêzan digerin û berdana 4 bersûcan şermezar kir.&nbsp;

	&nbsp;

	CANÊ VAN ZAROKAN EW QAS HÊSAN E?&nbsp;

	&nbsp;

	Malbatan jî bertek nîşanî berdana 4 bersûcan dan û gotin "Ma canê zarokên me ew qas erzan e? &nbsp;Gelo ew dozger û ew dadger dikarin bi hêsanî razên?&nbsp;

	Piştî daxuyaniyê malbatên ku xwestin têkevin salonê bi hinceta ewlehiyê destûr nedan. Danişêne dest pê kir.&nbsp;

	&nbsp;

	Malbatên zarokên jiyana xwe ji dest dan, parêzer û û parêzerê SHD'ê piştî niqaşan derbasî salonê bûn û tev li danişînê bûn. Dîsa parlamentera CHP'ê ya Edeneyê Elif Dogan Türkmen û gelek kesên din jî tev li danişînê bûn.&nbsp;