STENBOL - Seroka Komeleya Mafên Civakî Melda Onur, bertek nîşanî berdana 4 besûcên ji doza şewitandina 11 zarokên ku li Wargeha Aladagê dan û got: “Ma cezayê kuştina 11 zarokan tenê 15 men in?"
Komeleya Mafên Civakî, têkildarî mirina 11 zarokên ku li Wargeha Aladagê di şewatê de jiyana xwe ji dest dan li Qada Galatasarayê daxuyanî dan çapemeniyê. Di çalakiyê de pankarta "Heta edalet neyê Aladagê ev agir venamire" vekirin û dowîzên "Em dipirsin cezayê 11 zarokan ma tenê 15 meh in?" bilind kirin. Seroka Komeleya Mafên Civakî Melda Onur, berdana 4 besûcan şermezar kir û wiha got: “Ma cezayê kuştina 11 zarokan tenê 15 men in?" ‘11
Onur, anî ziman ku bersûcê 11 zarokan piştî 15 mehan serbest hatine berdan û wiha got: "Em dipirsin ma cezayê kuştina 11 zarokan tenê 15 meh in?" Rêveberên wargeha Suleymaniyan, midûr, rayedarên ku venêrtina wê pêk neanîn divê hemû kesên berpirsiyar bên darizandin û cezakirin. Heta ku ev kes neyên darizandin agirê Aladagê venamire. Edalet cihê xwe nabîne. Heta ku edalet cihê xwe nebîne têkoşîna me ya edaletê dê berdewam bike."
Di 29'ê mijdara 2016'an de li navçeya Aladaga Edeneyê li wargeha cemaeta Suleymanciyan şewat derketibû û 11 xwendekarên wargehê di şawatê de jiyana xwe ji dest dabûn. Ji 6 bersûcan 4 bersûc bi şertê kontrola edlî serbest hatin berdan.