NAVENDA NÛÇEYAN - Rêveberiya Girtîgeha Tipa L a Kalkandereyê bi hinceta ku girtiyan bi daxwaznameyan êrîşên TSK’ê yên li ser Efrînê şermezar kirin, mehek cezayê qedexekirina axaftina telefonê da girtiyan.
Hikumeta AKP’ê hem li derve li ser kes û saziyên li dijî êrîşên TSK’ê yên Efrînê derdikeve zextan dike û hem jî li girtîgehan zextan li ser girtiyên li dijî êrîşên ser Efrînê derdikevin zext û zordariyê dike. Girtiyên ji doza PKK’ê yên li Girtîgeha Tipa L a Kalkandere ya Rîzeyê dimînin, bi hinceta ku bi daxwaznameyê êrîşên TSK’ê yên li ser Efrînê şermezar kirin, cezayê qedexekirina axaftina telefonê li wan hat birîn. Girtiyan di hevdîtinên telefonê yên bi malbatên xwe re dikin, der barê mijarê de agahî dan û gotin ku cezayê telefonê li wan hatiye birîn.
Têkildarî mijarê bavê girtiyê bi navê Veysî Esen, Vahdettîn Esen axivî û diyar kir ku kurê wî bi telefonê pê re axiviye û wiha got: “Weysî got ku wî û 17 hevalên xwe yên girtî bi hinceta ku bi daxwaznameyê bertek nîşanî êrîşên dagirkeriya Tirkiyeyê dane û dagirkeriyê şermezar kirine, ji aliyê rêveberiya girtîgehê ve mehek cezayê axaftina telefonê li wan hatiye birîn.”
Bav Esen got ku kurê wî ji re gotiye ev axaftina wî ya dawîye û heta mehekê nikare bi wan re biaxive.