* Endamê Komîteya Têkiliyên Bi Derve Re yê KNK'ê Selahattin Soro, êrişa li dijî Efrînê şiband anîna Rêberê PKK'ê Abdullah Ocalan a Tirkiyeyê û ev tişt got: "Ji bo kurdan bi komkukjiyê re debas bikin dest dane destê hev. Çawa ji bo Ocalan tasfiye bikin hişekî hevpar derket holê, ji bo Efrînê jî heman tiştî dikin."
*Wekîla Serokên Koma HDP'ê Fîlîz Kerestecîoglu, bal kişand ser pirsgirêka kurdan û Efrînê û wiha got: "Ger ku di pirsgirêka kurd de hûn rastiya Efrînê nebînin hûn nikarin paşerojê saz bikin. HDP dê di kongreya 11'ê Sibatê de ji şer re bêje na. Ji bo pêşerojek azad bi rêxistin bike dê gavan bavêje."
* Endamên OHP'ê, encama Projeya Edaletê ya Cîhanê ku Tirkiye di 12'emîn rêza Endeksa Serdestiya Hiqûqê de nişan dide nirxand û diyar kirin ku îktîdar hiqûqê wekî darê zordestiyê xistiye destê xwe. Endamên OHP'ê destnişan kirin ku îktîdar bi OHAL û KHK’ê vê rewşê bêtir pîne dike.
* Sekreterê Giştî yê TÎHV'ê Metîn Bakkalci, bal kişand ser binçavkirina rêveberên Konseya Navendî ya TTB'ê û wiha got: "Binçavkirina endamên Konseya Navendî ya TTB'ê di dîrokê de tiştekî yekîn e. Ev di dîrokê de nayê ji bîr kirin. Ev danezana hekîman nebe nabe ye."
*Tirkiye têkildarî darizandina "Doza Sereke ya KCK'ê" ku 103 siyasetmedarên kurd girtî dihatin darizandin, piştî 7 salan parastin da Dadgeha Mafên Mirovan a Ewropa (DMME). Tirkiye di parastinê de parast ku ji ber şertên taybet siyasetmedarên kurd 5 salan girtî man û ev yek demek maqûl e.
*Ji ber OHAL'ê û pirsgirêka krîza aborî rewşa esnafên Eshab-ı Kehf roj bi roj xerab dibe.
*Ekolojîst Erol Çirak, diyar kir ku li Tirkiye ji ber qirêjiya hewayê her sal 32 hezar û 500 mirov jiyana xwe ji dest didin.
*Alîkarê Serokê Komeleya Pira Gelan Yildirim Şahîn gotinê Serokê Giştî yê AKP'ê Tayyîp Erdogan a "Li Efrînê sivîl zerarê nabînin" nirxand, aşkera kir ku herêmeke ji hewa û bejahî ve bê bombekirin, mirov bêje sivîl zerarê nabînin, ji aqilan dûr e.
*Plaja Samandagê ya yek ji 15 plajên herî bi nirx û dirêj ên cîhanê ye, di nava zibil de maye. Şaredarî li hemberî dîmenên heyî dengê xwe dernaxwe. Welatî û derdorparêzên navçeyê jî dixwazin demildest tedbîrên lezgîn bên girtin.
*Hat diyarkirin ku qeyûmê berê yê Şaredariya Cizîrê Ahmet Adanur, di îhaleya çêkirina Pireya Kevir û Avahiya Xizmetê ya Şaredariyê de "nelêrêtî" kiriye, cihê peywira wî guhertin û der barê îhaleyan de lêpirsîn vekirin.
*Hunermendên Koma Dansê ya Navenda Çanda Mezopotamya bi lîstika dansê 'Hêk' a têkoşîna girtiyên li Zindana Amedê ya Hêjmar 5'an a di navbera jiyan û mirinê de vedibêjin derket ser dikê.
*Hevserokê Giştî yê DBP'ê Mehmet Arslan, bal kişand ser êrîşa li ser Efrînê û wiha got: "Êrîşa li dijî Efrîn û Rojava li dijî pergala jiyana nû ye. Ev êrîş îro bi destê AKP'ê pêk tê."
*Derhêner Veysî Altay, komkujiya Kerboranê ya di 30'ê Cotmeha 1995'an de pêk hat û 7 kesan jiyana xwe ji dest dan, bi belgefîlma "BÎR"ê bi bîr xist.
*Parêzerên jin bertek nîşanî îşkenceya li ser benda şervana YPJ’ê Barîn Kobanê ku di êrîşên li ser Efrîn de jiyana xwe ji dest dayî, dan û wiha gotin: “Bedena jinekê tazî nîşandan, di hiqûqa navneteweyî sûc tê ditin.”
* Pirtûka bi navê “Xeyalbêj” a Îlhan Dayan ku ev 25 sal in girtî ye derket. Dayan ê di pirtûka xwe de kesên wextê qedexeyên derketina kolanan ji bîr nekir got ku bi helbestan êşa dilê wî kêmtir dibe.
* Li bendê ye 8 endamên Konseya Navendî ya TTB'ê derxin pêşberî dozgeriyê.
* Li bendê ye HDP encama konferansa ku 2 rojan berdewam kir bi raya giştî re parve bike.
* Geşedanên der barê Efrînê de dê bê şopandin.