ENQERE - Berdevkê PYD'ê yê Rûsyayê Abdulselam Elî bal kişand ser hevdîtinên li Soçiyê di roja duyemîn de dewam dike û ev tişt got: "Di vê hevdîtinê de ne gelê kurd û ne jî muxalîf hene. Tenê hezar dawetî ji kesên nêzê rejîmê re şandine û ji wan pêk tê. Hema ev civîn li Şamê pêk bihata dê baştir bûya."
Kongreya Diyalogê ya Neteweyî ya Sûriyeyê, di garantoriya Rûsya, Tirkiye û Îranê de li herêma tetîlê ya Soçiya Rûsyayê di roja duyemîn de dewam dike. Hezar û 600 kes dawetî kongreyê kirin, kurdên Rêveberiya Bakurê Sûriyeyê yên sedî 30'yê Sûriyeyê temsîl dikin, dawetî kongreyê nekirin. Ji hezar û 600 kesên tev li kongreyê bûn, zêdetirên wan alîgirên rejîma Sûriyeyê ne, tiştên li Rûsyayê hatin nirxandin jî ev rewş rexne kirin.
Ya rast dê îro hevdîtin pêk bihatana; lê heyetên ku gihiştin Rûsyayê di navbera wan de tengezariyê dest pê kir. Ji bo hevhatin pêk bê, di navbera Wezîrê Karê Derve yê Rûsyayê Sergey Lavrov û Wezîrê Karê Derve yê Tirkiyeyê Mevlut Çavuşoglu de hevdîtin pêk hat. Hat diyarkirin ku hevdîtin der barê muxalîfên li balafirgeha Rûsyayê rawestiyan de pêk hatiye, di heman demê de operasyona Efrînê û naveroka civîna li Soçiyê jî hatiye destgirtin.
Her wiha tê gotin ku dê îro sê komîsyonên îdarî û komîsyona makeqanûnê yên wekî prezîdyum, komîteya bilind û komîterya organîzasyonê, komîsyona rayeyê û komîsyona hejmartina dengan bên avakirin.
Kongreya ku kurd dawet nekirin û ji derve hiştin, tê gotin ku dê negihêje encamê.
Berdevkê Partiya Yekitiya Demokratîk (PYD) ê Rûsyayê Abdulselam Elî der barê mijarê de ji Ajansa Mezopotamyayê (MA) re axivî. Elî da zanîn ku ji ber kurd dawet nekirine, dê kongre negihêje armanca xwe û wiha axivî: "Daxuyaniyên wekî me kurd dawet kirin, ne rast in. Ji vê re dibêjin Kongreya Neteweyî ya Sûriyeyê. Lê beşa sedî 30'yê Sûriyeyê temsîl dike, rêveberiya Bakurê Sûriyeyê ya ji gelan pê ktê, dawet nekirin. Ev rêveberî hêza duyemîn a Sûriyeyê ye. Dîsa gelê herî mezin ê Sûriyeyê kurd in û ew dawet nekirin. Ev çawa kongreya netweyî ye."
‘LI ŞAMÊ PÊK BIHATA BAŞTIR BÛ’
Elî da zanîn ku muxalîf jî bi rêk û pêk dawet nekirine û delegeyên ku hatine hema hezar kes alîgirên rejîma Sûriyeyê ne û ev tişt anî ziman: "Li gorî min ev konferans niheqî anîn vir, li Şamê pêk bihata baştir bû. Kesên ku hatin dawetkirin, kesên li Şam û Stenbolê rûtinên. Ev kurdan temsîl nakin. Ev nav li Cenevreyê jî hebûn. Hemû netewe û cîhanê got ku 'Kurd li wir tune ne.' Cîhan jî wan wekî kurd nabîne. Ji ber ku kurdan temsîl nakin."
'ÇIMA NAYÊ HIŞÊ WAN KU BILA KURD XWE TEMSÎL BIKIN'
Elî derbirî ku ji ber ku kurd dawet nekirin, dê aqûbeta vê civînê jî wekî Cenevre, Astana û Viyananê be û wiha dirêjî da axaftina xwe: "Ev konferans beyî kurdan tu encamê nade, ji ber wê di serî de kongreyeke hêj di serî de windakirî tê lidarxistin." Elî helwesta Rûsyayê ya der barê Efrînê de jî nirxand û wiha got: "Rûsyayê li dijî kurdan zimanê ultîmatomê xebitand. Ji me re gotin 'An Efrînê ji rejîmê re bihêlin, an jî dê Tirkiye bê.' Me her du jî qebûl nekir. Em xwdiyê wirin, em xwe bi rêve nebin. Çima tiştekî wiha nayê hişê wam."
Elî bi lêv kir ku Komîsyona Makeqanûnê ya ku bê avakirin û makeqanûna ku bê nivîsin dê rewa nebe û ev nirxandin kir: "Ev dê bibe makeqanûna rejîmê. Her wiha tişta niha nîqaş dikin, ne makeqanûna nû ye, dixwazin di makeqanûnê de revîzyonê bikin. Dê ji vir tiştek dernekeve û kes vê qebûl jî nake."