STENBOL – Endamê Lîjneya Rêveberiya TÎHV'ê Prof. Dr. Umît Bîçer ji bo biryara binçavkirina rêveberên TTB’ê got: “Hekîman berteka mirovî nîşan dan. Lê bêmerhamet dixwazin ceza bikin. Ev yek jî dide nîşandan ku hikumet çiqas bêmerhamet e.” Prof. Dr. Nîlay Etîler jî got: “Dixwazin ser çi biniximînin?”
Serokê Yekîtiya Bijîşkên Tirk (TTB) û endamên Konseya Navendê ya TTB’ê bi boneya li dijî êrîşên ser Efrînê daxuyaniya “Ji şer re na, niha aştî” dabûn îro bi serdegirtina malan de hatin binçavkirin. Li dijî binçavkirina bijîşkan bertek zêde dibe. Rêveberên TTB’ê di 24’ê çil ede daxuyanî dabûn û pişt re ewil Serokê Giştî yê AKP’ê û Serokomar Erdogan di 26’ê çile de ji wan re got “Ev hezkiriyê terorîs in’ û wan hedef nîşan da.
Di 28’ê çile de jî Wezareta Karê Hundir der barê bijîşkan de li Serdozgeriya Komarê ya Enqereyê giliyê sûc kir. Piştî serlêdanê Serozgeriyê der barê 11 endamên Konseya Navendî ya TTB’ê de bi îdiayên “Miletê Tirk, Dewleta Komarê ya Tirkiyeyê, Meclîsa Mezin a Gelê Tirkiyê, Hikumeta Komara Tirkiyeyê û daraza dewletê biçûk xistin” û “Hemû beşên civakê tahrîkî kîn û dijminiyê kirin” lêpirsîn da destpêkirin.
Hedef nîşandana rêveberên TTB’ê rastî bertekê hiqûqnas û xebatkarên tenduristiyê hat û xwestin rêveberên TTB’ê demil dest bên berdan.
PROF. BÎÇER: SERDEMEK EW QAS BIXOF NEHATIBÛ JIYÎN
Endamê Lîjneya Rêveberiya Weqfa Mafê Mirovan a Tirkiyeyê (TÎHV) Prof. Dr. Umît Bîçer bertek nîşanî binçavkirinan da û got: “Li Tirkiyeyê tu demê ew qas ji daxwaza aştiyê ne tirsiyaye. Dema herî dijwar û bixof peyama xwestina aştiyê tê hedef girtin. Bi taybetî parêzvanê mafê mirovan, bijîşk û xebatkarên tenduristiyê her tim alîgirên jiyanê ne. Hekîman berteka mirovî nîşan dan. Lê bêmerhamet dixwazin ceza bikin. Ev yek jî dide nîşandan ku hikumet çiqas bêmerhamet e.” Bîçer herî dawî xwest ku rêveberên TTB’ê demil dest bên berdan.
PROF. ETÎLER: DIXWAZIN SER ÇI BINIXIMÎNIN?
Prof. Dr. Nîlay Etîler a ku bi KHK’ê hat îxrackirin jî destnîşan kir ku daxuyaniya TTB’ê ya ji bo aştiyê li gorî nirxên gerdûnî û hekîmiyê ye û got: “Ne mimkûn e mirov sûcekî ji vê daxuyaniyê der bixe. Ev bi temamî biryarek siyasî ye. Hedef nîşandan, serdegirtina malan û ofîsê bijîşkan û binçavkirina bijîşkan tenê dibe ku tiştek be. Dixwazin ser çi biniximînin? Tenê ez dixwazim vê pirsê ji wan bikim.”
Etîler da zanîn ku ew xwedî li daxuyaniya TTB’ê derdikevin û xwst ku hemû kes li hember binçavkirina bijîşkan bertek nîşan bide.
PROF. HAMZAOGLU: NE XWESTINA ŞER WEK DERSÊ TÊ DAYÎN
Hevberdevkê Kongreya Demokratîk a Gelan (HDK) Prof. Dr. Onur Hamza Oglu yê bi KHK’ê hat îxrackirin jî anî ziman ku şer pirsgirêka tenduristiya gel xera dike û li zanîngehê jî her tim di bin vî navî de ders daye xwendekarê xwe. Hamzaoglu got: “Ev binçavkirin ji îmzekirina metna aştiyê ya akademîsyanan a du sal berê ne cudatir e. Em ê her tim bêjin şer pirsgirêka tenduristiya gel xera dike. Em ê tim û tim destekê bidin daxuyaniya TTB’ê.”