HATAY - Zaroka 8 salî Hena ya li Hatayê dijî wêneyê zarokên Efrînê yên di bin bombeyan de can dan xêz kir. Hena, wêneyê kevoka ku li hewa bombeyê zeft dike û destûr nade li zer zarokan bibare xêz kir û helwesta xwe ya li dijî kuştina zarokan anî ziman.
Êrîşa TSK-OSO ya li ser Efrinê di 20'ê Çile de dest pê kir, ket roja 9'an. Di operasyon û êrîşê de zêdeyî 100 ton bombe li ser axa Efrînê hat barandin. Dîsa bi sedan guleyên hawan û topan li bejahiya Efrînê hatin barandin. Di operasyona tang, top û balafirên şer de li gorî daneyên Serokê Meclîsa Tenduristiyê ya Efrînê Anjela Reşo û Rayedarên Nexweşxaneya Avrînê Dr. Ciwan Mihemed, di 8 rojan de 86 sivîlan jiyana xwe jie dest dane û 198 sivîl jî birîndar bûn. Dîsa li gorî daneyên Fota Alîkariya Zarokan a Neteweyên Yekbûyî (UNICEF) di êrîşên li dijî Efrînê de herî kêm 11 zarokan jiyana xwe ji dest dan. Bertek û nerazûbên rêxistinên demokratîk û gelê kurd li çar aliyê cîhanê belav dibe. Zarokên li ser sînor ji nêzîk ve dibin şahidê şerê dikevin bin bandorek cuda. Yek ji zarokên ku bû şahidê şer û li Hatayê dijî zaroka 8 salî Hena ye.
Hena ku dayika wê kurd û bavê wê erebê elewî ye, bandora ku şer li ser wê ava kiriye bi xêzan anî ziman. Piştî li ser Efrinê êrîşan dest pê kir û zarok hatin kuştin, Hena hest û dijberiya xwe ya şer û kuştina zarokan bi xêzan kir wêne. Hena di resimê ku xêz kirin de xalxalokê xwe li ser çîçekê danîye. Dîsa perperoka ku li ser çîçekan digere heye. Li tenişta wan jî Kevoka ku li ezman difire û bi piyê xwe bombe girtiye û destûr nade ku li ser zarosan bibare heye. Hena têkildarî wêne û resîmê ku xêz kiriye got "Li jêr zarok hene. Ji bo bombe bi ser zarokan de nekeve kevokê bi piyê xwe bombe girtiye. Hena da zanîn ku di bin van bombeyan de zarok dimirin û ji bo zarok neyên kuştin kevokê bi piyê xwe bombe girtiye.