EFRÎN - Gelên Erep, Tirkmen, Kurd, Elewî, Xiristiyan û Êzidî yên li Efrînê dijîn, li dijî êrîşên li ser Efrînê seferber bûn û mil dan milê hêzên parastina gel.
Operasyona TSK'ê ya li dijî Efrînê ku di 20'ê Çile de dest pê kiribû di roja 9'an de berdewam dike. Gelên Kurd, Erep, Tirkmen, Elewî, Xiristiyan û Êzidî yên li Efrînê, li dijî êrîşên Hêzên Çekdarên Tirk (TSK) û komên OSO ku bi fermana AKP-MHP'ê hatin destpêkirin, seferber bûn. Êrîş di roja 9'emîn de berdewam dikin. Welatiyên ji bawerî û gelên cûda berê xwe dan eniyên Hêzên Sûriyeya Demokratîk (QSD) û peyama "Em li virin û li ber xwe didin" dan.
‘ÊN LI VÊ DERÊ DIAXIVÎN Û DIMIRIN KÎNE GELO?’
Mistefa Ubeyd (38) ê Erep, diyar kir ku Efrîn baxçeyê gelan û hêrsa xwa ji bo êrîşan anî ziman. Ubeyd, bertek nîşanî medyaya Tirk da û wiha axivî: "Medyaya Tirk dibêje 'Li Efrînê sivîl nemane.' Wê demê yên li vê derê diaxivin û tên kuştin kêne? Bila kerem bikin werin Efrînê. Wê demê dê bibînin gel çawan li ber xwe didin. Em gelê Erep, di vê berxwedana dîrokî de cih digirin. Em li gel hêzên QSD'ê ne. Ew zarokên me ne. Em wan diparêzin, ew jî me diparêzin. Dê berxwedan qezenc bike û gel qezenc bikin."
JIN Û ZILAM DI CEPERAN DENE
Cîhan Xidro (30) ê Tirkmen jî, diyar kir ku bi çekên giran êrîşî sivîlan dikin û wiha got: "Di êrîşan de bi dehan sivîl hatin kuştin. Ez li vê derê bang li dewleta Tirk û hêzên din dikim. Li Efrînê gelên Erep, Kurd, Tirkmen, Elewî, Êzidî, jin û zilam li ber xwe didin. Emê destûrê nedin dagirkeriya wan. Em bi hêzên QSD'ê re bajarê xwe diparêzin. Ger Efrîn bi ser bikeve, dê gelên Sûriyeyê qezenc bikin. Heya damla xwîna xwe ya dawiyê emê Efrînê biparêzin."
BERÊ ÊZIDÎ HATIN KUŞTIN!
Cîhat Ebdo (25) ê Êzidî jî, diyar kir ku ligel hemû êrîşên rastê hatin karin xwe li ser piyan bigirin û wiha bilêv kir: "Em Êzidî yên ku îro êrîşî me dikin em ji Şengal û Mûsilê wan baş nas dikin. Evana ji bo me tune bikin sala 2013'an de DAIŞ anîn Qestel Cîndo. Ji Şengalê bigirin haya Rojava êrîşî me kirin. Lê hemû kesê dawiya DAIŞ'ê dît. Dê dewleta Tirk û komên hevkarên wê jî dê bi heman awayî têk biçin. Em soz didin hemû kesê. Emê nekevin tu şaşiyan. Em li vir wadiwestin û li ber xwe didin."
MA / Nazim Daştan